ඉන්දියාව හා ඔස්ට්රේලියාව අතර පැවැත්වෙන තරග 4කින් යුත් ටෙස්ට් ක්රිකට් තරගාවලියේ තෙවැනි තරගය ඉන්දෝර් හි Holkar ක්රීඩාංගනයේ දී පැවැත්වීමට ඉන්දීය ක්රිකට් පාලක මණ්ඩලය තීරණය කර තිබෙනවා.
මාර්තු පළමු වැනිදා සිට 5 වැනිදා දක්වා පැවැත්වීමට නියමිත එම තරගය මීට පෙර පැවැත්වීමට නියමිතව තිබුණේ ධරම්සාලා ක්රීඩාංගනයේ දී යි.
කෙසේ වෙතත්, ධරම්සාලා ක්රීඩාංගනයේ මෑතකාලීනව සිදු කළ ප්රතිසංස්කරණවලින් පසුව ජාත්යන්තර තරග පැවැත්වීම සදහා ක්රීඩාංගනය තවමත් සුදුසු මට්ටමක නොමැති බැවින් මෙලෙස වෙනත් ක්රීඩාංගනයකදී එම තරගය පැවැත්වීමට තීරණය කර තිබෙනවා.
කලාපයේ පවතින දැඩි ශීත කාළගුණ තත්ත්වය ද මෙම තීරණය ගැනීමට හේතු වූ බවයි ඉන්දීය ක්රිකට් පාලක මණ්ඩලය නිවේදනය කළේ.
ධරම්සාලා හීදී අවසන් වරට ජාත්යන්තර තරගයක් පැවැත්වුණේ පසුගිය වසරේ පෙබරවාරි මාසයේ දී ශ්රී ලංකාව හා ඉන්දියාව අතරයි.
