ශ්රී ලංකා කණ්ඩායම ඉදිරියේ දී සිදු කිරීමට නියමිත නවසීලන්ත තරග සංචාරයේ නිල තරග කාලසටහන ශ්රී ලංකා ක්රිකට් ආයතනය විසින් ද අද(8) නිවේදනය කළා.
අයි.සී.සී ලෝක ටෙස්ට් ශූරතාවලියට අයත් ටෙස්ට් තරග දෙකක්, අයි.සී.සී ක්රිකට් ලෝක කුසලාන සුපර් ලීගයට අයත් එක්දින තරග 3ක් හා 20යි 20 තරග 3ක් මෙම තරග සංචාරයට ඇතුළත්.
තරග සංචාරය ආරම්භ කරමින් ශ්රී ලංකා කණ්ඩායම මාර්තු 4 හා 5 වැනිදා දෙදින පුහුණු තරගයකට ක්රයිස්චර්ච් හී දී එක් වීමට නියමිත බවයි ක්රිකට් ආයතනය අද සදහන් කළේ.
මාර්තු 9 වැනිදා තරග 2කින් යුත් ටෙස්ට් තරගාවලියේ පළමු තරගය ක්රයිස්චර්ච් හී දී ම ආරම්භ වීමට නියමිතයි.
මාර්තු 17 වැනිදා ආරම්භ වන දෙවැනි ටෙස්ට් තරගය පැවැත්වෙන්නේ වෙලින්ටන් හී දී යි.
මාර්තු 25 වැනිදා ආරම්භ වන එක්දින තරගාවලිය පිළිවෙලින් ඔක්ලන්ඩ්, ක්රයිස්චර්ච් හා හැමිල්ටන් හී දී පැවැත්වීමට නියමිතයි. දෙවැනි එක්දින තරගය මාර්තු 28 වැනිදා පැවැත්වෙන අතර, තෙවැනි එක්දින තරගය පැවැත්වෙන්නේ මාර්තු 31 වැනිදායි.
පසුව 20යි 20 තරගාවලිය අප්රේල් දෙවැනිදා ඔක්ලන්ඩ් හී දී ආරම්භ වනවා. දෙවැනි හා තෙවැනි 20යි 20 තරග පිළිවෙලින් ඩුනේඩින් හී දී හා ක්වීන්ස්ටවුන් හී දී පැවැත්වීමට නියමිතව ඇත්තේ අප්රේල් 5 වැනිදා හා 8 වැනිදායි.
