දකුණු අප්රිකාවේ පැවැත්වෙන SA20 ක්රිකට් තරගාවලිය යටතේ ඊයේ(7) රාත්රියේ සෙන්චූරියන් හී දී පැවැති තරගයේ දී විශිෂ්ඨ ඉනිමක් ක්රීඩා කරමින් තරගයේ වීරයා සම්මානයෙන් පිදුම් ලැබීමට ප්රෙටෝරියා කැපිටල්ස් කණ්ඩායමේ ශ්රී ලංකා පිතිකරු කුසල් මෙන්ඩිස් සමත් වුණා.
මෙම තරගයෙන් Paarl Royals කණ්ඩායම පරදා ලකුණු 59 ක ජයක් වාර්තා කළේ ද කැපිටල්ස් කණ්ඩායමයි.
තරගයේ පළමුව පන්දුවට පහරදුන් කැපිල්ස් පිතිකරුවන් නියමිත පන්දුවාර 20 තුළ කඩුලු 5 ක් දැවී ලකුණු 226 ක දැවැන්ත ලකුණු පුවරුවක් නිර්මාණය කළා.
ආරම්භක පිතිකරු කුසල් මෙන්ඩිස් ලකුණු 80 ක් රැස් කළේ පන්දු 41 කින්. ඔහුගේ ඉනිමට හයේ පහර 4 ක් හා හතරේ පහර 8 ක් ඇතුළත්. (දර්ශන පහතින්)
කොලින් ඉන්ග්රම් ලකුණු 41 ක් ද, පිල් සෝල්ට් ලකුණු 39 ක් ද රැස් කළා. පන්දු යැවීමේ දී ලුන්ගි එන්ගිඩී ලකුණු 39 කට කඩුලු 2 ක් දවා ගත්තා.
පිළිතුරු ඉනිම ක්රීඩා කළ රෝයල්ස් කණ්ඩායමට කඩුලු 9ක් දැවී ලබා ගත හැකි වූයේ ලකුණු 167 ක් පමණයි.
ජොස් බට්ලර් පන්දු 45 කින් ලකුණු 70 ක් ලබා ගත් අතර, පන්දු යැවීමේ දී ජේම්ස් නීෂම් ලකුණු 28 කට කඩුලු 3 ක් දවා ගත්තා.
These Kusal Mendis shots 🔥💯#Betway #SA20 #PCvPR @Betway_India pic.twitter.com/1JoZu4Y83s
— Betway SA20 (@SA20_League) February 7, 2023
