පාකිස්තානය සමග පැවැති තරග 3කින් යුත් ටෙස්ට් ක්රිකට් තරගාවලියෙන් තරග 3-0 ක් ලෙස පූර්ණ තරගාවලි ජයක් වාර්තා කිරීමට සංචාරක එංගලන්ත කණ්ඩායම අද(20) සමත් වුණා.
ඒ, කරච්චි හී දී පැවැති තෙවැනි තරගයෙන් පාකිස්තානය පරදා කඩුලු 8ක විශිෂ්ඨ ජයක් වාර්තා කරමින්. පාකිස්තානය සිය රටේ දී මෙලෙස පූර්ණ තරගාවලි පරාජයක් ලැබූවේ ඉතිහාසයේ පළමු වරටයි.
තරගය ජය ගැනීම සදහා ලකුණු 167 ක ඉලක්කයක් හඹා ගිය එංගලන්තය කඩුලු 2 ක් දැවී ජයග්රාහී ඉලක්කය පසු කළේ බෙන් ඩකට් නොදැවී ලබා ගත් ලකුණු 82 න් හා සැක් ක්රව්ලි වාර්තා කළ ලකුණු 42 න් ශක්තිමත් වෙමින්. නායක බෙන් ස්ටොක්ස් නොදැවී ලකුණු 35 යි. පන්දු යැවිමේ දී අබ්රාර් අහ්මඩ් කඩුලු 2 ක් බිද හෙලුවා.
තරගයේ පළමුව පන්දුවට පහරදුන් පාකිස්තානය සියලු දෙනා දැවී ලකුණු 304 ක් ලබා ගත් අතර, පිළිතුරු ලෙස එංගලන්තය ලකුණු 354 ක් රැස් කළා.
අනතුරුව පාකිස්තාන දෙවැනි ඉනිම ලකුණු 216 කට සීමා කිරීමට එංගලන්ත පන්දු යවන්නන් සමත් වුණා. මෙම තරගයේ දී ටෙස්ට් වරම් දිනූ රෙහාන් අහ්මඩ් පාකිස්තාන දෙවැනි ඉනිමේ දී ලකුණු 48 කට කඩුලු 5 ක් දවා ගත්තා.
එංගලන්ත පළමු ඉනිමේ දී ශතකයක් වාර්තා කළ හැරී බෘෘක් තරගයේ හා තරගාවලියේ වීරයා සම්මානවලින් පිදුම් ලැබුවා.
