ලංකා ප්රිමියර් ලීග් ක්රිකට් තරගාවලියේ 16 වැනි තරගය අද (17) රාත්රී 7.30ට කොළඹ ආර්. ප්රේමදාස ක්රීඩාංගනයේ දී ආරම්භ වුණා.
ඒ, ප්රසාද ලකුණු සටහනේ පෙරමුණේ පසුවන කැන්ඩි ෆැල්කන්ස් කණ්ඩායම හා කලම්බු ස්ටාර්ස් කණ්ඩායම අතරයි.
තරගයේ කාසියේ වාසිය දිනූ ස්ටාර්ස් කණ්ඩායම පළමුවෙන් පන්දුවට පහර දීමටයි තීරණය කළේ.
මෙම තරගයේ දී ද අසාර්ථක වූ නිරෝෂන් දික්වැල්ල ලකුණු නොලබා දැවී ගියේ තරගයේ දෙවැනි පන්දුවේ දී යි.
ඒ, ඉසුරු උදාන යොමු කළ පන්දුවක් කෙළින්ම කඩුල්ලේ වැදීමෙන්.
දික්වැල්ල අද තරගය ද ඇතුළත්ව අවසන් ඉනිම් හතර තුළ දී පිළිවෙලින් ලකුණු වාර්තා කර ඇත්තේ 0, 0, 2, 0 ක් වශයෙන්.
මෙම අවස්ථා 4 තුළ දී ම ඔහු දැවී ගියේ පන්දුව කෙළින්ම කඩුල්ලේ වැදීමෙන් වීම ද කැපී පෙනෙනවා.
අද දිනයේ දී දික්වැල්ල දැවී ගිය අයුරු පහතින් නරඹන්න –
— CricDaily24 (@cricday96) December 17, 2022
