ලංකා ප්රිමියර් ලීග් ක්රිකට් තරගාවලිය යටතේ මේ වන විට හම්බන්තොට දී පැවැත්වෙන සිව්වැනි තරගයේ දී කැන්ඩි ෆැල්කන්ස් කණ්ඩායමේ තුන් ඉරියව් ක්රීඩක චාමික කරුණාරත්න අනතුරකට මුහුණ දුන්නා.
පන්දු රකිමින් සිටියදී උඩ පන්දුවක් රැක ගැනීමට යාමේ දී යි ඔහු මෙලෙස අනතුරකට මුහුණ දුන්නේ.
මෙම තරගයේ කාසියේ වාසිය දිනා පළමුවෙන් පන්දුවට පහරදුන් ගෝල් ග්ලැඩියේටර්ස් කණ්ඩායම නියමිත පන්දුවාර 20 තුළ කඩුලු 8 ක් දැවී ලකුණු 121 ක් ලබා ගත්තා.
එම ඉනිමේ දී නුවනිදු ප්රනාන්දුගේ කඩුල්ල දවා ගැනීම සදහා උඩ පන්දුවක් රැක ගැනීමට යාමේ දී යි චාමිකගේ මුහුණේ පන්දුව වැදීමෙන් මෙම අනතුර සිදු වුණේ.
අනතුරෙන් ඔහුගේ දත් කිහිපයක් කැඩී යාමකට ලක්ව ඇති බවයි වාර්තා වන්නේ.
ඒ අනුව ඔහුව වහාම ශල්යකර්මයකට ලක් කිරීම සදහා ගාල්ල ප්රදේශයේ රෝහලක් වෙත යොමු කර ඇති බව සදහන්.
අනතුර සිදු වූ අයුරු පහතින් නරඹන්න –
— CricDaily24 (@cricday96) December 7, 2022
