බටහිර ඉන්දීය කොදෙව් තුන් ඉරියව් ක්රීඩක ඩ්වේයන් බ්රාවෝ ඉන්දීය ප්රිමියර් ලීග් තරග පිටියට සමු දී තිබෙනවා.
ඔහු චෙන්නායි සුපර් කිංග්ස් කණ්ඩායමේ පන්දු යැවීමේ පුහුණුකරු ලෙස පත් කිරීමටයි මේ වන විට පියවර ගෙන ඇත්තේ.
පසුගිය තරග වාරය වන තුරු එම කණ්ඩායමේ පන්දු යැවීමේ පුහුණුකරු ලෙස කටයුතු කළ එල් බලාජි වසරක විවේකයක් ලබා ගැනීමට තීරණය කර ඇති බව සදහන්.
2017 වසර හැරුණු විට සෙසු සෑම වසරකදීම අයි.පී.එල් තරගාවලිය සදහා බ්රාවෝ ක්රීඩා කර තිබෙනවා.
අයි.පී.එල් තරගාවලි ඉතිහාසයේ වැඩිම කඩුලුලාභියා වන ඩ්වේයන් බ්රාවෝ බිද හෙලා ඇති කඩුලු ගණන 183 ක්.
