අයි.සී.සී පන්දුවාර 20යි 20 ලෝක කුසලාන ක්රිකට් තරගාවලියට එක් වූ ශ්රී ලංකා ක්රිකට් කණ්ඩායමේ සහභාගීත්වය සහ ඊට අදාළ සිදුවීම් සම්බන්ධව සොයා බැලීම සඳහා විමර්ශන කමිටුවක් පත් කිරීමට ක්රීඩා හා යෞවන කටයුතු අමාත්ය රොෂාන් රණසිංහ මහතා පියවර ගෙන තිබෙනවා.
1973 අංක 25 දරන ක්රීඩා පනතේ 39(3) වගන්තිය ප්රකාරව ක්රීඩා හා යෞවන කටයුතු අමාත්ය රොෂාන් රණසිංහ මහතා විසින් විශ්රාමික ශ්රේෂ්ඨාධිකරණ විනිසුරු කුසලා සරෝජනී වීරවර්ධන මහත්මියගේ සභාපතිත්වයෙන් සහ සාමාජිකයින් පස්දෙනෙකුගෙන් සමන්විතවයි මෙම විමර්ශන කමිටුව පත් කර ඇත්තේ.
සාමාජිකයින් ලෙස හිටපු අමාත්යංශ ලේකම් කිංස්ලි ප්රනාන්දු මහතා, විශ්රාමික නියෝජ්ය පොලිස්පති සුදත් නාගහමුල්ල මහතා, විශ්රාමික රියාද් අද්මිරාල් ආනන්ද පීරිස් මහතා, හිටපු ක්රිකට් ක්රීඩක නලීන්ද අල්විස් මහතා, නීතිඥ ශලනි රොශානා ප්රනාන්දු මහත්මිය යන අය පත් කර තිබෙනවා.
