ඉන්දියාව සමග හෙට (4) ආරම්භ වීමට නියමිත තරග 3 කින් යුත් එක්දින ක්රිකට් තරගාවලියේ දී බංග්ලාදේශ කණ්ඩායමේ නායකත්වය දැරීමේ වගකීම ලිටොන් දාස්ට පැවරී තිබෙනවා.
ආබාධයකට ලක්වීම හේතුවෙන් නායක හා ආරම්භක පිතිකරු ටමිම් ඉක්බාල්ට මෙම තරගාවලියෙන් ඉවත් වීමට සිදු වීම හේතුවෙනුයි මෙලෙස බංග්ලාදේශ එක්දින කණ්ඩායමට වැඩබලන නායකයෙකු පත් කිරීමට එරට ක්රිකට් ආයතනයට සිදු වුණේ.
ලිටොන් දාස් එරට එක්දින කණ්ඩායමේ 15 වැනි නායකයා ලෙසයි ඉතිහාසයට එක් වන්නේ.
ඔහු මීට පෙර 20යි 20 පිටියේ දී එරට කණ්ඩායමේ නායකත්වය දරා තිබුණා.
බංග්ලාදේශ ටෙස්ට් කණ්ඩායමේ නායකයා ලෙස ශකිබ් අල් හසාන් පත් කිරීමත් සමග ටෙස්ට් කණ්ඩායමේ උප නායකයා ලෙස මීට පෙර ලිටොන් දාස් පත් කෙරුණා.
