දකුණු අප්රිකාවේ පැවැත්වීමට නියමිත නවතම 20යි 20 ක්රිකට් ලීගය වන SA20 (එස් ඒ ට්වෙන්ටි) තරගාවලියේ දී MI Cape Town (එම් අයි කේප් ටවුන්) කණ්ඩායමේ ප්රධාන පුහුණුකරු ලෙස ඔස්ට්රේලියාවේ සයිමන් කැටිච් පත් කර තිබෙනවා.
එම කණ්ඩායමේ පිතිකරණ පුහුණුකරු ලෙස දකුණු අප්රිකාවේ හෂිම් අම්ලා පත් කර ඇති බවයි එම් අයි සමූහය නිවේදනය කළේ.
කණ්ඩායමේ සාමාන්යාධිකාරීවරයා ලෙස රොබින් පීටර්සන් ද, පන්දු රැකීමේ පුහුණුකරු ලෙස James Pamment ද කටයුතු කිරීමට නියමිතයි.
මීට පෙර ක්රික්ඉන්ෆෝ වෙබ් අඩවිය වාර්තා කර තිබුණේ මාර්ක් බවුචර් MI Cape Town කණ්ඩායමේ පුහුණුකරු ලෙස පත් කිරීමට නියමිතව ඇති බවයි.
කෙසේ වෙතත්, ඔහු මුම්බායි ඉන්දියන්ස් කණ්ඩායමේ ප්රධාන පුහුණුකරු ලෙස පත් කිරීමට නියමිතව ඇති බව ක්රික්ඉන්ෆෝ වෙබ් අඩවිය මේ වන විට වාර්තා කර තිබෙනවා.
ඒ, මෙතෙක් මුම්බායි පිලේ ප්රධාන පුහුණුකරු ලෙස කටයුතු කළ මහේල ජයවර්ධන එම ධූරයෙන් ඉවත් වීම හේතුවෙන්.
