ඉන්දීය ප්රිමියර් ලීග් තරගාවලියට තරග කරන පංජාබ් කිංග්ස් කණ්ඩායමේ ප්රධාන පුහුණුකරු අනිල් කුම්බ්ලේගේ ගිවිසුම් කාලය දීර්ඝ නොකිරීමට එම කණ්ඩායමේ හිමිකාරීත්වය පියවර ගෙන තිබෙනවා.
බොලිවුඩ් නිලි ප්රීටි සින්ටා, Mohit Burman, Ness Wadia හා Karan Paul මෙන්ම කිංග්ස් කණ්ඩායමේ ප්රධාන විධායක නිළධාරී Satish Menon විසිනුයි මෙම තීරණය ගෙන ඇත්තේ.
ඒ අනුව 2020 වසරේ දී පංජාබ් කණ්ඩායමේ පුහුණුකරු ලෙස එක් වූ අනිල් කුම්බ්ලේ වෙනුවට පත් කරන නව පුහුණුකරු ඉදිරියේ දී එම කණ්ඩායම විසින් නිවේදනය කිරීමට නියමිතයි.
2020 හා 2021 වසරවලදී කණ්ඩායම් 8ක් ක්රීඩා කළ අයි.පී.එල් තරගාවලියන්හී දී පංජාබ් කිංග්ස් කණ්ඩායමට 5 වැනි ස්ථානයෙන් සෑහීමකට පත් වීමට සිදු වුණා.
2022 වසරේ පැවැති කණ්ඩායම් 10ක් ක්රීඩා කළ අයි.පී.එල් තරගාවලියේ දී ඔවුන්ට හිමි වූයේ 6 වැනි ස්ථානයයි.
