එළඹෙන 27 වැනිදා එක්සත් අරාබි එමීර් රාජ්යයේ දී ආරම්භ වන ආසියානු කුසලාන පන්දුවාර 20යි 20 ක්රිකට් තරගාවලිය සදහා සුදුසුකම් ලබා ගැනීමට හොංකොං කණ්ඩායම සමත් වුණා.
ඒ, ආසියානු කුසලාන තරගාවලිය වෙනුවෙන් ඕමානයේ පැවැති සුදුසුකම් ලබා ගැනීමේ තරගාවලියේ ප්රසාද ලකුණු සටහනේ පළමු ස්ථානය දිනා ගනිමින්.
ඔවුන් ක්රීඩා කළ තරග තුනම ජය ගනිමින් ප්රසාද ලකුණු 6 ක් හිමි කර ගත් අතර, කුවේට් කණ්ඩායම ප්රසාද ලකුණු 4 ක් සමගින් දෙවැනි ස්ථානයත්, එක්සත් අරාබි එමීර් රාජ්යය ප්රසාද ලකුණු 2 ක් සමගින් තෙවැනි ස්ථානයත් හිමි කර ගත්තා.
ක්රීඩා කළ තරග තුනම පරාජයට පත් වූ සිංගප්පූරුවට හිමි වූයේ සිව්වැනි හා අවසන් ස්ථානයයි.
තරගාවලියේ තීරණාත්මක 6 වැනි හා අවසන් තරගය ඊයේ එක්සත් අරාබි එමීර් රාජ්ය හා හොංකොං කණ්ඩායම් අතර පැවැත්වුණා.
එම තරගයෙන් කඩුලු 8ක ජයක් වාර්තා කිරීමත් සමගයි හොංකොං කණ්ඩායම ප්රසාද ලකුණු සටහනේ පෙරමුණ තහවුරු කර ගත්තේ.
තරගයේ පළමුව පන්දුවට පහරදුන් එමීර් රාජ්ය කණ්ඩායම පන්දුවාර 19.3 ක් අවසානයේ සියලු දෙනා දැවී ලකුණු 147 ක් ලබා ගත්තා.
පිළිතුරු ඉනිම ක්රීඩා කළ හොංකොං කණ්ඩායම පන්දුවාර 19 ක් අවසානයේ කඩුලු 2 ක් දැවී ජයග්රාහී ඉලක්කය පසු කළා.
