සිම්බාබ්වේ කණ්ඩායම සමග හෙට(2) පැවැත්වීමට නියමිත තෙවැනි හා අවසන් පන්දුවාර 20යි 20 ක්රිකට් තරගයේදී බංග්ලාදේශ කණ්ඩායමේ නායකයා ලෙස මොසඩෙක් හොසේන් පත් කර තිබෙනවා.
ඒ, සිම්බාබ්වේ තරග සංචාරයේ දී 20යි 20 කණ්ඩායමේ නායකයා ලෙස මෙතෙක් කටයුතු කළ නුරුල් හසාන්ට දෙවැනි 20යි 20 තරගයේ දී ඇගිල්ලක සිදු වූ ආබාධයක් හේතුවෙන් ඉතිරි තරගවලින් ඉවත් වීමට සිදුව ඇති බැවින්.
දෙවැනි 20යි 20 තරගයේ දී බංග්ලාදේශයේ ජයග්රහනය වෙනුවෙන් කඩුලු 5 ක් දවා ගනිමින් මොසඩෙක් හොසේන් සුවිශේෂී දායකත්වයක් දක්වනු ලැබුවා.
මේ වන විට තරගාවලිය තරග 1-1 ක් ලෙස කණ්ඩායම් දෙකම සම තත්ත්වයෙන් පසුවනවා.
මේ අතර, නුරුල් හසාන් වෙනුවට තෙවැනි 20යි 20 තරගය සදහා බංග්ලාදේශ සංචිතයට හිටපු නායක මහ්මුදුල්ලාහ් කැදවීමට ද බංග්ලාදේශ ක්රිකට් තේරීම් කමිටුව පියවර ගෙන තිබෙනවා.
ඔහු මීට පෙර 20යි 20 තරගාවලියෙන් විවේක ගන්වා තිබූ අතර, දෙරට අතර ආරම්භ වීමට නියමිත එක්දින තරගාවලියට ක්රීඩා කිරීම සදහායි මහ්මුදුල්ලාහ් සිම්බාබ්වේ දේශය වෙත පිටත්ව ගොස් තිබුණේ.
ආබාධයට ලක් වූ නුරුල් හසාන් අද දිනයේ දී යළි සියරට බලා පිටත්ව යාමට නියමිතයි.
