ශ්රී ලංකා ක්රිකට් ආයතනය විසින් සංවිධාන කරන ආරාධිත පන්දුවාර 20යි 20 ලීග් ක්රිකට් තරගාවලිය අගෝස්තු 9 වැනිදා ආරම්භ වන බව ශ්රී ලංකා ක්රිකට් ආයතනය අද (24) නිවේදනය කළා.
එළඹෙන ආසියානු කුසලාන පන්දුවාර 20යි 20 ක්රිකට් තරගාවලිය සදහා හා පන්දුවාර 20යි 20 ලෝක කුසලාන ක්රිකට් තරගාවලිය සදහා ක්රීඩකයින් සූදානම් කිරීමේ අරමුණින් මෙම තරගාවලිය සංවිධාන කරන බවයි ක්රිකට් ආයතනය සදහන් කළේ.
ශ්රී ලංකා ක්රිකට් තේරීම් කමිටුව විසින් තෝරා ගනු ලබන ජාතික හා පළමු පෙල ක්රීඩකයින් 60 දෙනෙකු මෙම තරගාවලිය සදහා ක්රීඩා කිරීමට නියමිතයි.
තරගාවලිය සදහා කණ්ඩායම් 4 ක් එක්වීමට නියමිත බව ද ක්රිකට් ආයතනය නිකුත් කළ නිවේදනයක සදහන්.
පළමු වටයේ දී සෑම කණ්ඩායමක්ම තරග 3 බැගින් ක්රීඩා කිරීමට නියමිතව තිබෙනවා.
අනතුරුව ප්රසාද ලකුණු සටහනේ පෙරමුණේ පසුවන කණ්ඩායම් දෙක අවසන් තරගය සදහා සුදුසුකම් ලබන අතර, අවසන් තරගය අගෝස්තු 16 වැනිදා පැවැත්වීමට නියමිතයි.
ආරාධිත පන්දුවාර 20යි 20 ලීග් ක්රිකට් තරගාවලියේ සියලු තරග කොළඹ ආර්. ප්රේමදාස ක්රීඩාංගනයේ දී පැවැත්වීමට නියමිත බවයි ශ්රී ලංකා ක්රිකට් ආයතනය සදහන් කළේ.
