දකුණු අප්රිකානු වේග පන්දු යවන ක්රීඩක හර්ඩස් විල්ජොයින් මෙවර ලංකා ප්රිමියර් ලීග් (LPL) ක්රිකට් තරගාවලිය වෙනුවෙන් ජැෆ්නා කිංග්ස් කණ්ඩායම සමග එක්ව තිබෙනවා.
LPL තරගාවලියේ ක්රීඩක කෙටුම්පත් කිරීමේ අවස්ථාව (Draft) අද(5) පස්වරුවේ සිදු කෙරෙන අතර, ඊට පෙර සෑම කණ්ඩායමකටම විදෙස් ක්රීඩකයින් දෙදෙනෙකු හා දේශීය ක්රීඩකයින් දෙදෙනෙකු සමග සෘජුවම ගිවිසුම්ගත වීමේ අවස්ථාව ලබා දී තිබුණා.
ඒ අනුවයි එලෙස සෘජුවම ගිවිසුම්ගත වූ ක්රීඩකයෙකු ලෙස හර්ඩස් විල්ජොයින් සිය කණ්ඩායමට මිලදී ගැනීමට කිංග්ස් කළමණාකාරීත්වය පියවර ගෙන ඇත්තේ.
33 හැවිරිදි හර්ඩස් විල්ජොයින් ඉන්දීය ප්රිමියර් ලිග් තරගාවලියේ දී කිංග්ස් XI පංජාබ් කණ්ඩායම ද නියෝජනය කර තිබුණා.
ඔහුට අමතරව බටහිර ඉන්දීය කොදෙව් ප්රහාරාත්මක පිතිකරුවෙකු වන එවින් ලුවිස් සමග ද සෘජුව ගිවිසුම්ගත වීමට ජැෆ්නා කිංග්ස් කණ්ඩායම පියවර ගෙන තිබෙනවා.
කණ්ඩායම් පහේ කළමණාකාරීත්වය හා තරගාවලියේ සංවිධායකයින්ගේ සහභාගීත්වයෙන් අද පස්වරු 5 සිට ක්රීඩක කෙටුම්පත් කිරීමේ කටයුතු අතථ්ය (Virtual) ක්රමවේදය ඔස්සේ සිදු කිරීමට නියමිත බවයි ශ්රී ලංකා ක්රිකට් ආයතනය සදහන් කළේ.
විදෙස් ක්රීඩකයින් 180 දෙනෙකු හා දේශීය ක්රීඩකයින් 173 දෙනෙකු සමගින් සමස්ත ක්රීඩකයින් 353 දෙනෙකු ක්රීඩක කෙටුම්පත් කිරීමේ අවස්ථාව සදහා ඉදිරිපත් කෙරෙනවා.
ලංකා ප්රිමියර් ලීග් ක්රිකට් තරගාවලියේ තෙවැනි අදියර ජූලි 31 වැනිදා සිට අගෝස්තු 21 වැනිදා දක්වා පැවැත්වීමට නියමිතයි.
