සංචාරක ශ්රී ලංකා කාන්තා කණ්ඩායම සමග පැවැත්වෙන තරග 3කින් යුත් පන්දුවාර 20යි 20 ක්රිකට් තරගාවලිය තරගයක් ඉතිරිව තිබියදීම ජය ගැනීමට පාකිස්තාන කාන්තා කණ්ඩායම අද(26) සමත් වුණා.
ඒ, දෙරට අතර පැවැති දෙවැනි 20යි 20 තරගයෙන් පාකිස්තානය කඩුලු 7ක ජයක් වාර්තා කිරීමත් සමගයි.
කරච්චි හී දී පැවැති තරගයේ කාසියේ වාසිය දිනා පළමුව පන්දුවට පහරදුන් ශ්රී ලංකා ක්රීඩිකාවන් නියමිත පන්දුවාර 20 අවසානයේ කඩුලු 6ක් දැවී රැස් කළ ලකුණු සංඛ්යාව 102ක්.
හසිනි පෙරේරා ලකුණු 35(51) ක් ලබා ගත්තා. නිලක්ෂි ද සිල්වා ලකුණු 21කට දැවී ගිය අතර, හර්ෂිතා මාධවී ලකුණු 16යි. මෙම තරගයේ දී ද අසාර්ථක වූ නායිකා චමරි අතපත්තු ලකුණු 5කට දැවී ගියා.
පිළිතුරු ඉනිම ක්රීඩා කළ පාකිස්තානය පන්දුවාර 17.1ක් අවසානයේ කඩුලු 3ක් දැවී ජයග්රාහී ඉලක්කය පසු කළා.
Ayesha Naseem නොදැවී ලකුණු 45ක් හා නායිකා Bismah Maroof නොදැවී ලකුණු 22ක් ලබා ගනිමින් සිය කණ්ඩායම ජයග්රහනය කරා රැගෙන ගියා.
