රංගන ශිල්පියෙකු හා ලේඛකයෙකු වන Stephen Fry ක්රිකට් නීති භාරකරු ලෙස සැලකෙන මාරිලිබෝන් ක්රිකට් සමාජයේ (MCC) මීළග සභාපතිවරයා ලෙස නම් කර තිබෙනවා.
ඒ අනුව 64 හැවිරිදි ඔහු ලබන ඔක්තෝබර් පළමු වැනිදා සිට අදාළ ධූරයේ වැඩ භාර ගැනීමට නියමිත බවයි MCC සමාජය නිවේදනය කළේ.
මේ වන විට MCC සභාපතිනිය ලෙස කටයුතු කරන්නේ එංගලන්ත කාන්තා ක්රිකට් කණ්ඩායමේ හිටපු නායිකාවක වන Clare Connor.
විකට නලුවෙකු ලෙස ප්රසිද්ධ Stephen Fry 2011 වසරේ සිට මාරිලිබෝන් ක්රිකට් සමාජයේ සාමාජිකයෙකු ලෙස කටයුතු කරනවා.
ඔහුව MCC නව සභාපතිවරයා ලෙස පත් කිරීම සදහා නම් කර ඇත්තේ වත්මන් සභාපතිනිය වන Clare Connor විසින්.
MCC සභාපති ලෙස මීට පෙර කටයුතු කළේ ශ්රී ලංකා හිටපු ක්රිකට් නායක කුමාර් සංගක්කාර මහතායි.
