බ්රිතාන්යයේ පැවැත්වෙන ප්රාන්ත සිව්දින ක්රිකට් තරගාවලියේ දී පාකිස්තාන වේග පන්දු යවන ක්රීඩක හසන් අලී යොමු කළ සුපිරි යෝකර් පන්දුවක් වෙත මේ වන විට ලොව පුරා බොහෝ ක්රීඩාලෝලීන්ගේ අවධානය යොමුව ඇති බවක් දක්නට ලැබෙනවා.
ප්රාන්ත තරගාවලියේ දී ලැන්කෂයර් කණ්ඩායම නියෝජනය කරන ඔහු මෙම දක්ෂතාවය දක්වනු ලැබුවේ Gloucestershire ප්රාන්ත කණ්ඩායමට එරෙහිව පැවැත්වෙන තරගයේ දී යි.
තරගයේ පළමුව පන්දුවට පහරදුන් Gloucestershire කණ්ඩායම සියලු දෙනා දැවී මෙම තරගයේ දී රැස් කළේ ලකුණු 252ක් පමණයි.
එහිදී සුපිරි පන්දු යැවීමක නිරත වූ හසන් අලී ලකුණු 47කට කඩුලු 6ක් දවා ගනිමින් Gloucestershire ඉනිම අඩපන කළා.
අනතුරුව ලැන්කෂයර් කණ්ඩායම සිය පළමු ඉනිමට කඩුලු 7ක් දැවී ලකුණු 556 ක් ලබා සිටයදී ඉනිම අත්හිටුවීමටයි කටයුතු කළේ.
තරගයේ තෙවන දිනය නිමා වන විට Gloucestershire කණ්ඩායම සිය දෙවැනි ඉනිමේ දී කඩුලු 3ක් දැවී ලබා සිටි ලකුණු සංඛ්යාව 67ක්.
එහිදී James Bracey ලකුණු 14කට දවා ගැනීමට හසන් අලී සමත් වුණා.
ඒ, ඔහු යොමු කළ සුපිරි යෝකර් පන්දුවක් කෙළින්ම කඩුල්ලේ වැදීමෙන්.
විශේෂත්වය වූයේ එම අවස්ථාවේ දී පන්දුව වැදීමෙන් පසුව කඩුල්ලේ මැද ඉන්න දෙකට කැඩී යාමයි.(ඊට අදාළ වීඩියෝ දර්ශන දෙකක් පහතින්)
NEW STUMPS, PLEASE! 👀@RealHa55an 😲
🌹 #RedRoseTogether pic.twitter.com/KhjUz3TG6q
— Lancashire Cricket (@lancscricket) April 23, 2022
“Oh my word!” 😳
We’ll have to get another one of those, @RealHa55an! 🤣
🌹 #RedRoseTogether pic.twitter.com/XQO4reizR1
— Lancashire Cricket (@lancscricket) April 23, 2022
