දකුණු අප්රිකා තරග සංචාරය අතරතුර දී ආබාධවලට ලක් වූ බංග්ලාදේශ වේග පන්දු යවන ක්රීඩකයින් දෙදෙනෙකු වන ටස්කින් අහ්මඩ් හා ශොරිෆුල් ඉස්ලාම් හෙට(5) දිනයේ දී යළි බංග්ලාදේශය වෙත පැමිණෙන බව බංග්ලාදේශ ක්රිකට් තේරීම් කමිටුව පවසනවා.
ඒ අනුව ඔවුන් දෙදෙනාට ම දෙරට අතර පැවැත්වෙන දෙවැනි හා අවසන් ටෙස්ට් තරගය සදහා ක්රීඩා කිරීමේ අවස්ථාව හිමි වන්නේ නැහැ.
කෙසේ වෙතත්, ටස්කින් අහ්මඩ් හා ශොරිෆුල් ඉස්ලාම් වෙනුවට වෙනත් ක්රීඩකයින් සංචිතයට ආදේශ නොකරන බවයි එරට තේරීම් කමිටු ප්රධානී Minhajul Abedin ක්රික්බස් වෙබ් අඩවිය වෙත සදහන් කර ඇත්තේ.
සංචිතය තුළ තවත් වේග පන්දු යවන්නන් සිව් දෙනෙකු සිටීම හේතුවෙන් එම තීරණය ගෙන තිබෙනවා.
අද(4) නිමා වූ පළමු ටෙස්ට් තරගයේ දී ටස්කින් අහ්මඩ් දකුණු උරහිසෙහි ආබාධයකට ලක් වූ අතර, ශොරිෆුල් ඉස්ලාම්ගේ පිට කොන්දේ ආබාධයක් ඇති වූයේ පළමු තරගය ආරම්භ වීමටත් පෙරයි.
