සංචාරක බංග්ලාදේශ කණ්ඩායම හා දකුණු අප්රිකා කණ්ඩායම අතර පැවැත්වෙන පළමු ටෙස්ට් ක්රිකට් තරගයේ තෙවැනි දිනය අද(2) නිමා වුණේ දකුණු අප්රිකාව දෙවැනි ඉනිමේ දී ලකුණු 75ක් ඉදිරියෙන් පසු වෙමින්.
දිනය නිමා වන විට සිය දෙවැනි ඉනිම ක්රීඩා කරමින් සිටි දකුණු අප්රිකාව කිසිදු කඩුල්ලක් නොදැවී ලකුණු 6ක් ලබා සිටියා.
ඩර්බන් හි පැවැත්වෙන තරගයේ කාසියේ වාසිය දිනූ බංග්ලාදේශයේ ආරාධනයෙන් පළමුව පන්දුවට පහරදුන් දකුණු අප්රිකාව සියලු දෙනා දැවී ලකුණු 367ක් රැස් කළා. ටෙම්බා බවුමා ලකුණු 93යි. පන්දු යැවීමේ දි කලෙඩ් අහ්මඩ් කඩුලු 4ක් හා මෙහිදි හසාන් මිරාස් කඩුලු 3ක් බිද හෙලුවා.
අද දිනය ආරම්භ කරන විට සිය පළමු ඉනිම ක්රීඩා කරමින් සිටි බංග්ලාදේශ කණ්ඩායමේ සියලු දෙනා ලකුණු 298කට සීමා කිරීමට දකුණු අප්රිකා පන්දු යවන්නන් සමත් වුණා.
සිය මංගල ටෙස්ට් ශතකය වාර්තා කළ මහ්මුදුල් හසාන් ජොයි ලකුණු 137ක් රැස් කළා. ලිටොන් දාස් ලකුණු 41යි.
පන්දු යැවීමේ දී සිමොන් හාර්මර් කඩුලු 4ක් හා ලිසාද් විලියම්ස් කඩුලු 3ක් දවා ගැනීමට සමත් වුණා.
