එංගලන්ත ප්රහාරාත්මක පිතිකරු ජේසන් රෝයිට ජාත්යන්තර තරග දෙකක අත්හිටුවූ තහනමක් පැනවීමට එංගලන්ත ක්රිකට් ආයතනය පියවර ගෙන තිබෙනවා.
යහපත් හැසිරීම හේතුවෙන් අදාළ තරග තහනම මාස 12කට අත්හිටුවීමට තීරණය කළ බවයි එරට ක්රිකට් ආයතනය සදහන් කළේ.
තරග තහනමට අමතරව පවුම් 2,500ක දඩ මුදලක් ද පනවා තිබෙනවා.(ශ්රී ලංකා මුදලින් රුපියල් ලක්ෂ 9.5 ක පමණ අගයක්)
මාර්තු 31 වනදා වන විට එම දඩ මුදල ගෙවිය යුතු බවට ද නියම කර ඇති බව සදහන්.
“ක්රිකට් ක්රීඩාවේ අභිලාෂයන්ට අගතියක් විය හැකි හෝ ක්රිකට් ක්රීඩාව, එංගලන්ත ක්රිකට් ආයතනය සහ තමා අපකීර්තියට පත් කළ හැකි ආකාරයෙන් හැසිරීම” යන චෝදනාව ජේසන් රෝයි විසින් පිළිගෙන ඇති බවයි එරට ක්රිකට් ආයතනය නිවේදනය කළේ.
කෙසේ වෙතත්, ඔහු සිදු කළ වරද කුමක් ද යන්න සම්බන්ධයෙන් එම ආයතනය නිසි පැහැදිලි කිරීමක් සිදු කර නැහැ.
ලබන 26 වනදා ආරම්භ වන මෙවර ඉන්දීය ප්රිමියර් ලීග් ක්රිකට් තරගාවලිය සදහා ද ඔහු ක්රීඩා කිරීමට නියමිතව සිටි නමුත්, එම තරගාවලියෙන් ඉවත් වීමට ජේසන් රෝයි පසුගියදා තීරණය කළා.
ඒ , ජෛව ආරක්ෂිත බුබුලු තුළ දිගින් දිගටම රැදී සිටීමේ දුෂ්කරතාවය පදනම් කර ගනිමින්.
