මෙවර ඉන්දීය ප්රිමියර් ලීග් (අයි.පී.එල්) ක්රිකට් තරගාවලියේ දී යම් ක්රීඩකයෙකු, කණ්ඩායම් නිළධාරියෙකු හෝ පවුලේ සාමාජිකයෙකු ජෛව ආරක්ෂිත බුබුල උල්ලංඝනය කිරීමක් සිදු කළහොත් ඔවුන්ට එරෙහිව දැඩි දඩුවම් පැනවීමට ඉන්දීය ක්රිකට් ආයතනය තීරණය කර තිබෙනවා.
දින 7ක කාලයක් යළි නිරෝධායනයට ලක් කිරීම, එක් තරගයක් තහනමට ලක් කිරීමේ සිට තරගාවලියෙන් ඉවත් කිරීම දක්වා එම දඩුවම් පැනවීම සිදු කිරීමටයි තීරණය කර ඇත්තේ.
යම් කණ්ඩායමක් හිතාමතාම පිටස්තර පුද්ගලයෙකු ජෛව ආරක්ෂිත බුබුලට ගෙන්වා ගතහොත් පළමු අවස්ථාවේ දී ඉන්දීය රුපියල් කෝටියක දඩ මුදලක් පැනවීමට ද තීන්දු කර තිබෙනවා.
එම වරද යළිත් සිදු කළහොත් එම කණ්ඩායමට හිමිව ඇති ප්රසාද ලකුණු එකක් හෝ දෙකක් කපා හැරීම ද සිදු කරනු ඇති.
2022 ඉන්දීය ප්රිමියර් ලීග් ක්රිකට් තරගාවලිය ලබන 26 වනදා ආරම්භ වීමට නියමිතයි.
