බංග්ලාදේශය සමග පැවැත්වීමට නියමිත ටෙස්ට් ක්රිකට් තරගාවලිය සදහා ප්රබල සංචිතයක් නම් නොකිරීමට දකුණු අප්රිකා ක්රිකට් ආයතනයට සිදු වනු ඇති බව විදෙස් ක්රීඩා මාධ්ය වාර්තා කරනවා.
ඒ, ප්රබල ක්රීඩකයින් රැසක් අදාළ ටෙස්ට් තරගාවලිය වෙනුවට ඉන්දීය ප්රිමියර් ලීග් තරගාවලියට ක්රීඩා කිරීමට තීරණය කර ඇති බැවින්.
සාමාන්යයෙන් ඉතිහාසයේ සිට දකුණු අප්රිකා ක්රිකට් ආයතනය විසින් අදාළ කාලයේ දී ජාත්යන්තර තරග සංවිධාන කිරීමට කටයුතු නොකර, සිය ක්රීඩකයින්ට අයි.පී.එල් තරගාවලියට සම්බන්ධ වීමට අවසර ලබා දුන්නා.
ඒ, ඉන්දීය ක්රිකට් ආයතනය සමග ඇති කර ගත් එකගතාවයකට අනුවයි.
කෙසේ වෙතත්, මෙවර තත්ත්වය තරමක් වෙනස් වූයේ අයි.පී.එල් තරගාවලියේ කාලය දීර්ඝ වීමත්, දකුණු අප්රිකා – බංග්ලාදේශ ටෙස්ට් තරගාවලියක් සංවිධාන වීමත් සමගයි.
බංග්ලාදේශ කණ්ඩායමේ දකුණු අප්රිකා තරග සංචාරයට එක්දින තරග 3ක් හා ටෙස්ට් තරග දෙකක් ඇතුළත්. එක්දින තරගාවලිය මාර්තු 18 වනදා ආරම්භ වීමට නියමිත අතර, ටෙස්ට් තරගාවලිය ආරම්භ වන්නේ මාර්තු 31 වනදායි.
මෙවර අයි.පී.එල් තරගාවලිය ලබන 26 වනදා ආරම්භ වීමට නියමිතව තිබෙනවා.
ඒ අනුව කාගිසෝ රබාඩා, ලුන්ගි එන්ගිඩී හා මාර්කෝ ජන්සෙන් යන දකුණු අප්රිකා කණ්ඩායමේ ප්රධාන වේග පන්දු යවන්නන් තිදෙනෙකුම බංග්ලාදේශයට එරෙහි ටෙස්ට් තරගාවලිය සදහා ක්රීඩා නොකරනු ඇති.
අන්රිච් නොකියා ද මේ වන විට ආබාධයකට ලක්ව සිටිනවා.
