බංග්ලාදේශ කාන්තා කණ්ඩායම කාන්තා ලෝක කුසලාන එක්දින ක්රිකට් තරගාවලි ඉතිහාසයේ සිය පළමු ජයග්රහනය වාර්තා කිරිමට අද(14) සමත් වුණා.
ඒ, පාකිස්තාන කාන්තා කණ්ඩායම ලකුණු 9කින් පරාජයට පත් කරමින්.
නවසීලන්තයේ හැමිල්ටන් නුවර පැවැති තරගයේ පළමුව පන්දුවට පහර දුන් බංග්ලාදේශය කඩුලු 7ක් දැවී ලකුණු 234ක් ලබා ගැනීමට නියමිත පන්දුවාර 50 තුළ දී සමත් වුණා.
පිළිතුරු ඉනිම ක්රීඩා කළ පාකිස්තාන කාන්තා කණ්ඩායමට පන්දුවාර 50 අවසන් කිරීමට සිදු වූයේ කඩුලු 9ක් දැවී ලකුණු 225ක් පමණක් රැස් කරමින්.
මෙය පාකිස්තාන කණ්ඩායම මෙවර ලෝක කුසලානයේ දී අඛණ්ඩව පරාජයට පත් වූ සිව්වැනි තරගය වීම ද විශේෂත්වයක්.
කිසිදු ජයග්රහනයක් වාර්තා නොකළ ඔවුන් මේ වන විට කණ්ඩායම් 8ක් තරග වදින ලෝක කුසලානයේ ප්රසාද ලකුණු සටහනේ අවසන් ස්ථානයේ රැදී සිටිනවා.
ප්රසාද ලකුණූ සටහනේ පළමු ස්ථානය හා දෙවැනි ස්ථානය ක්රීඩා කළ තරග තුනම ජය ගෙන ඇති ඔස්ට්රේලියාවටත්, දකුණු අප්රිකාවටත් හිමිව තිබෙනවා.
ඉන්දියාව තෙවැති ස්ථානයේත්, නවසීලන්තය සිව්වැනි ස්ථානයේ පසුවනවා.
