කොවිඩ් 19 ආසාදනය වූ ශ්රී ලංකා මුල් පෙල පිතිකරු කුසල් මෙන්ඩිස්ට ඔස්ට්රේලියාවට එරෙහි පළමු පන්දුවාර 20යි 20 තරග දෙක ක්රීඩා කිරීමේ අවස්ථාව අහිමි වන බව ශ්රී ලංකා වැඩබලන පුහුණුකරු රුමේෂ් රත්නායක මහතා පවසනවා.
ඔහු ලබන ඉරිදා දිනයේ දී PCR පරීක්ෂණයකට මුහුණ දීමට නියමිතව ඇති බවත්, එම වෛද්ය පරීක්ෂණයෙන් සමත් වුවහොත් (negative) සදුදා දිනයේ දී තවත් PCR පරීක්ෂණයකට මුහුණ දීමට නියමිත බවත්, ශ්රී ලංකා පුහුණුකරු සදහන් කළා.
එම වෛද්ය පරීක්ෂණවලින් සමත් වුවහොත් (negative) පමණක් කුසල්ට එළඹෙන 15 වැනිදා පැවැත්වෙන තෙවැනි 20යි 20 තරගයට ක්රීඩා කිරීමේ අවස්ථාවක් පවතින බවයි රුමේෂ් රත්නායක මහතා අද(10) පැවැති මාධ්ය හමුවකදී සදහන් කළේ.
ශ්රී ලංකාව හා ඔස්ට්රේලියාව අතර තරග 5කින් යුත් පන්දුවාර 20යි 20 තරගාවලියේ පළමු තරගය හෙට(11) මෙරට වේලාවෙන් පස්වරු 1.40ට සිඩ්නි හී දී ආරම්භ වීමට නියමිතයි.
