සංචාරක දකුණු අප්රිකා කණ්ඩායම සමග පැවැත්වීමට නියමිත තරග දෙකකින් යුත් ටෙස්ට් ක්රිකට් තරගාවලියේ පළමු තරගය සදහා වන නවසීලන්ත සංචිතය නම් කර තිබෙනවා.
නිත්ය නායක කේන් විලියම්සන්ගේ වැලමිටක පවතින ආබාධය මෙතෙක් සම්පූර්ණයෙන් සුව වී නොමැති බැවින් මෙම තරගාවලියේ දී ද නවසීලන්ත කණ්ඩායමේ නායකයා ලෙස කටයුතු කරන්නේ ටොම් ලේතම්.
ටෙස්ට් සංචිතය සදහා පළමු වරට Cam Fletcher හා Blair Tickner කැදවීමට පියවර ගෙන තිබෙනවා.
එමෙන්ම කොලින් ද ග්රෑන්ඩ්හෝම් හා හෙමිෂ් රදර්ෆර්ඩ් ද යළි සංචිතයට කැදවීමට තීරණය කර ඇති බවයි එරට ක්රිකට් ආයතනය නිවේදනය කළේ.
වේග පන්දු යවන ක්රීඩක ට්රෙන්ට් බෝල්ට් පළමු ටෙස්ට් තරගය සදහා නම් කර නැහැ.
ඒ, ඔහු හා ඔහුගේ බිරිද සිය තෙවැනි දරු උපත වෙනුවෙන් සූදානමින් පසුවන බැවින්.
දෙරට අතර පැවැත්වෙන පළමු ටෙස්ට් තරගය එළඹෙන 17 වනදා ක්රයිස්චර්ච් හී දී ආරම්භ වීමට නියමිතයි.
- New Zealand squad for first Test: Tom Latham (c), Tom Blundell (wk), Devon Conway, Colin de Grandhomme, Cam Fletcher (wk), Matt Henry, Kyle Jamieson, Daryl Mitchell, Henry Nicholls, Rachin Ravindra, Hamish Rutherford, Tim Southee, Blair Tickner, Neil Wagner, Will Young.
