බටහිර ඉන්දීය කොදෙව් පිතිකරුවන් දැවැන්ත හයේ පහරවල් එල්ල කිරීමට දක්වන්නේ සහජ හැකියාවක් බව අමුතුවෙන් කිව යුතු දෙයක් නෙවෙයි.
කොදෙව් පිතිකරුවන් රැසක් ඉතා ශක්තිමත් ක්රීඩකයින් වන අතර, ඔවුන්ට හයේ පහරවල් එල්ල කිරීම ලොව ඕනෑම ක්රීඩාංගනයක පහසුවෙන් කළ හැකි කාර්යයක්.
නිමා වූ කොදෙව් – එංගලන්ත 20යි 20 තරගාවලියේ දී ද එවැනි දැවැන්ත හයේ පහරවල් දැක බලා ගැනීමේ අවස්ථාව ප්රේක්ෂකයින්ට උදා වුණා.
දෙරට අතර පැවැති 5 වැනි 20යි 20 තරගයේ දී රොව්මන් පවෙල් එල්ල කළ සුපිරි හයේ පහරක් පිළිබදවයි මෙම සටහනෙන් අප ඔබගේ අවධානය යොමු කරන්නේ.
තරගයේ කොදෙව් ඉනිමේ 18 වැනි පන්දුවාරය ක්රිස් ජෝර්ඩන් විසින් ක්රියාත්මක කළ අතර, එම පන්දුවාරයේ 4 වැනි පන්දුවට රොව්මන් පවෙල් මෙම සුවිශේෂී හයේ පහර එල්ල කළා.
එය මේ වන විට බොහෝ දෙනෙකුගේ අවධානය යොමුව ඇත්තේ රොව්මන් පවෙල් විසින් එම හයේ පහර එල්ල කිරීම සදහා පිත්ත හසුරවනු ලැබූ ආකාරය සැබවින්ම චමත්කාරජනක වූ බැවින්.
පන්දුව පිත්තේ වැදුණු සැණින් එය විදුලි වේගයෙන් ක්රීඩාංගනයෙන් ඉවතට විසි වී ගියේ ජාත්යන්තර ක්රීඩා විචාරකයින්ගේ ද ඉහළ පැසසුමකට ලක් වෙමින්.
දර්ශන පහතින් –
#T20ITuesday What do you call this shot?🤯 #WIvENG #WIVibes pic.twitter.com/vbTCtUVKaW
— Windies Cricket (@windiescricket) February 1, 2022
