ක්රිකට් ක්රීඩාව යනු අපූර්ව සිදුවීම් නිරන්තරයෙන්ම වාර්තා වන අරුම පුදුම ක්රීඩාවක්.
ඇතැම් විට තරගයේ ජයග්රහනය පෙනි පෙනී තිබියදී ඇතැම් කණ්ඩායම් තරගය පරාජයට පත් වන අයුරු ඔබ ඕනෑ තරම් දැක ඇති.
එමෙන්ම තරගයේ පරාජය පෙනි පෙනී තිබියදී තරග ජය ගන්නා ආකාරය ද අප ඕනෑ තරම් ක්රිකට් පිටියේ දැක තිබෙනවා.
එවැනි අපූර්ව සිදුවීමක් පිළිබදවයි මෙම පුවතින් අප අවධානය යොමු කරන්නේ.
එනම්, අවසන් පන්දුවට කඩුලු අතර දිව ගොස් ලකුණු 5ක් ලබා ගනිමින් තරගයක් ජය ගත් සිදුවීමක් සම්බන්ධයෙනුයි.
මෙම සිදු වීම පාකිස්තානයේ කරච්චි නුවර පැවැත්වෙන Al-Wakeel Cricket League නම් තරගාවලියේ දී යි සිදුව ඇත්තේ.
තරගය පැවැත්වුණේ Automal හා Audionic යන කණ්ඩායම් අතරයි.
තරගය ජය ගැනීම සදහා Automal කණ්ඩායමට පන්දුවාර 20 තුළ ලකුණු 155ක් ලබා ගත යුතුව තිබුණා.
ඔවුන්ට අවසන් පන්දුවට ලබා ගැනීමට අවශ්ය වූ ලකුණු සංඛ්යාව 5ක්.
එම පන්දුවට කිසිදු හතරේ පහරක් හෝ හයේ පහරක් එල්ල නොකර තරගය ජය ගැනීමට Automal කණ්ඩායම සමත් වීම විශේෂත්වයක්.
පිතිකරුවන් දෙදෙනා කඩුලු අතර දිව යමින් එම ලකුණු 5 වාර්තා කළ අතර, ඊට අදාළ විඩියෝව මේ වන විට සමාජ මාධ්ය ඔස්සේ ලොව පුරා වේගයෙන් හුමවාරුවෙමින් පවතින බව ද දැක ගත හැකියි.(දර්ශන පහතින්)
Just when you think you've seen it all…
What on earth is going on here 😂
via @TheACCnz pic.twitter.com/bzppk6eDno
— That’s so Village (@ThatsSoVillage) February 1, 2022
