දකුණු අප්රිකාව සමග පැවැති පළමු ටෙස්ට් ක්රිකට් තරගයෙන් ලකුණු 113ක ජයක් වාර්තා කරමින් දෙරට අතර පැවැත්වෙන තරග 3කින් යුත් ටෙස්ට් තරගාවලියේ පෙරමුණ හිමි කර ගැනීමට සංචාරක ඉන්දීය කණ්ඩායම අද(30) සමත් වුණා.
සෙන්චූරියන්හි සුපර්ස්පෝර්ට් පාර්ක් ක්රීඩාංගනයේ පැවැති තරගය ජය ගැනීම සදහා සිය දෙවැනි ඉනිමේ දී ලකුණු 305ක ඉලක්කයක් හඹා ගිය දකුණු අප්රිකාවට සියලු දෙනා දැවී ලබා ගත හැකි වූයේ ලකුණු 191ක් පමණයි.
නායක ඩීන් එල්ගර් ලකුණු 77ක් රැස් කළ අතර, ටෙම්බා බවුමා නොදැවී ලකුණු 35යි.
පන්දු යැවීමේ දී ජස්ප්රිට් බුම්රා හා මොහොමඩ් ෂාමි කඩුලු 3 බැගින් දවා ගත්තා.
මොහොමඩ් සිරාජ් හා රවිචන්ද්රන් අශ්වින් කඩුලු 2 බැගින් බිද හෙලුවා.
තරගයේ පළමුවෙන් පන්දුවට පහරදුන් ඉන්දියාව ලකුණු 327ක් රැස් කළ අතර, පිළිතුරු ලෙස දකුණු අප්රිකාව ලබා ගත්තේ ලකුණු 197ක් පමණයි.
අනතුරුව සිය දෙවැනි ඉනිම සදහා ඉන්දියාව සියලු දෙනා දැවී ලකුණු 174ක් ලබා ගත්තා.
