සංචාරක අයර්ලන්ත කණ්ඩායම හා අමෙරිකා එක්සත් ජනපද කණ්ඩායම අතර හෙට(26) පැවැත්වීමට නියමිත පළමු එක්දින ක්රිකට් තරගය අවලංගු කිරීමට කටයුතු කර තිබෙනවා.
ඒ, විනිසුරුවරයෙකුට කොවිඩ් 19 ආසාදනය වීම හේතුවෙන්.
අමෙරිකානු කණ්ඩායමේ දැල් පන්දු යවන්නෙකුට (net bowler) ද වෛරසය ආසාදනය වී ඇති බවට වාර්තා වන බවයි විදෙස් ක්රීඩා මාධ්ය සදහන් කළේ.
විනිසුරුවරුන් සිව් දෙනාගෙන් තිදෙනෙකුටම වෛරසය ආසාදනය වී නැතත්, ඔවුන් තිදෙනාම වෛරසය ආසාදනය වූ විනිසුරුගේ සමීප ආශ්රිතයින් වූ බැවිනුයි පළමු එක්දින තරගයට ඔවුන්ට ද සම්බන්ධ වීමට නොහැකි වන්නේ.
තරග 3කින් යුත් එක්දින තරගාවලියේ සෙසු තරග පැවැත්වීම සම්බන්ධයෙන් හෙට(26) දිනයේ දී තීරණයක් ගැනීමට නියමිත බව සදහන්.
දෙරට අතර 20යි 20 තරග දෙකක් ද පැවති අතර, එම තරගාවලිය තරග 1-1ක් ලෙස සම තත්ත්වයෙන් නිමා වුණා.
