2022 වසරේ නවසීලන්තයේ දී පැවැත්වෙන කාන්තා එක්දින ලෝක කුසලාන ක්රිකට් තරගාවලියේ තරග කාලසටහන මේ වන විට ප්රකාශයට පත් කර තිබෙනවා.
මාර්තු 4 වැනිදා ආරම්භ වන තරගාවලියේ පළමු තරගය පැවැත්වෙන්නේ නවසීලන්තය හා බටහිර ඉන්දීය කොදෙව් කණ්ඩායම අතරයි.
ඔස්ට්රේලියාව හා එංගලන්තය අතර තරගය මාර්තු 5 වැනිදා ද, ඉන්දියාව හා පාකිස්තානය අතර තරගය මාර්තු 6 වැනිදා ද පැවැත්වීමට නියමිතයි.
රටවල් 8ක් තරග වදින මෙවර ලෝක කුසලාන තරගාවලිය දින 31ක් පුරා පැවැත්වෙන අතර, පැවැත්වීමට නියමිත සියලු තරග ප්රමාණය ද 31ක්.
ඔස්ට්රේලියාව, එංගලන්තය, දකුණු අප්රිකාව හා ඉන්දියාව ලෝක කුසලාන තරගාවලිය සදහා සෘජුව සුදුසුකම් ලබා ගත්තේ 2017-20 කාලයට අයත් අයි.සී.සී කාන්තා ශූරතාවලියේ ස්ථාන මත පදනම්වයි.
නවසීලන්තය තරගාවලියේ සත්කාරක රට වීම හේතුවෙන් ඔවුන් සෘජුව තරගාවලියට සුදුසුකම් ලබා ගත්තා.
බංග්ලාදේශය, පාකිස්තානය හා බටහිර ඉන්දීය කොදෙව් යන කණ්ඩායම් එක්දින ශ්රේණිගත කිරීම් මත පදනම්ව ලෝක කුසලාන තරගාවලියට සුදුසුකම් ලබා ගත් අතර, ශ්රී ලංකාවට මෙවර ලෝක කුසලාන තරගාවලියට ක්රීඩා කිරීමේ අවස්ථාව අහිමි වී තිබෙනවා.
