මේ වන විට ආබාධයකට ලක්ව සිටිය ද ලබන 5 වැනිදා ආරම්භ වන ලංකා ප්රිමියර් ලීග් (එල්.පී.එල්) ක්රිකට් තරගාවලිය සදහා ක්රීඩා කිරීමට හැකි වනු ඇති බවට ඇන්ජෙලෝ මැතිව්ස් විසින් තමාට සදහන් කළේ යැයි ශ්රී ලංකා ටෙස්ට් නායක දිමුත් කරුණාරත්න පවසනවා.
බටහිර ඉන්දීය කොදෙව් කණ්ඩායම සමග පැවැත්වෙන දෙවැනි ටෙස්ට් ක්රිකට් තරගයේ සිව්වැනි දිනය අවසානයේ පැවැති මාධ්ය හමුවේ දී මාධ්යවේදියෙකු යොමු කළ පැනයකට පිළිතුරු දෙමින් ඔහු ඒ බව සදහන් කළා.
මෙම ටෙස්ට් තරගයේ ශ්රී ලංකා පළමු ඉනිමේ දී පිතිකරණයේ නිරත වෙමින් සිටියදීයි ඇන්ජෙලෝ මැතිව්ස් පාදයක ආබාධයකට ලක් වුණේ.
කෙසේ වෙතත්, ඔහු අද දිනයේ දී ශ්රී ලංකා දෙවැනි ඉනිමේ අංක 9 පිතිකරු ලෙස පිතිකරණයේ නිරත වුණා.
ඔහුගේ ඉනිම පන්දු 5කට පමණක් සීමා වූ අතර, රැස් කිරීමට හැකි වූයේ එක් ලකුණක් පමණයි.
අද පස්වරුවේ පැවැති මාධ්ය හමුවේ දී දිමුත් අවධාරණය කළේ මැතිව්ස්ගේ ආබාධය කෙටි කාලයකින් සුව වනු ඇති බවට විශ්වාස කරන බවයි.
කෙසේ වෙතත්, ඔහුගේ වෛද්ය වාර්තා සම්බන්ධයෙන් තමා සම්පූර්ණයෙන් දැනුවත්ව නොමැති බව ද ඔහු කියා සිටියා.
