ශ්රී ලංකා කාන්තා ක්රිකට් කණ්ඩායමේ නායිකා චමරි අතපත්තු මෙවර බිග් බෑෂ් ලීග් කාන්තා 20යි 20 තරගාවලිය යටතේ අද(11) පැවැති තරගයකදී සුවිශේෂී පිතිහරඹයක නිරත වීමට සමත් වුණා.
තරගාවලියේ 41 වැනි තරගය වූ මෙම තරගය ඇඩිලේඩ්හී දී පැවැත්වුණේ චමරි නියෝජනය කරන පර්ත් ස්කෝර්චස් කණ්ඩායම හා සිඩ්නි තන්ඩර් කණ්ඩායම අතරයි.
තරගයේ කාසියේ වාසිය දිනා පළමුව පන්දුවට පහර දුන් පර්ත් කණ්ඩායම නියමිත පන්දුවාර 20 තුළ කඩුලු 2ක් දැවී ලකුණු 184ක් රැස් කළා.
නායිකා Sophie Devine ලකුණු 16කට දැවී ගිය අතර, Chloe Piparo රැස් කළේ ලකුණු 10ක් පමණයි.
අනතුරුව තෙවැනි කඩුල්ලට පන්දු 81කින් නොබිදුණු ලකුණු 135ක සබදතාවයක් ගොඩ නැගීමට බෙත් මූනි හා චමරි අතපත්තු සමත් වුණා.
මූනි නොදැවී ලකුණු 83ක් රැස් කළේ පන්දු 53කින්. හතරේ පහර 13ක් ඇයගේ ඉනිමට ඇතුළත්.
හයේ පහර 2කින් හා හතරේ පහර 8කින් ඉනිම වර්ණවත් කළ චමරි පන්දු 42කින් ලකුණු 70ක් ලබා ගත්තා. (දර්ශන පහතින්)
පිළිතුරු ඉනිම ක්රීඩා කළ සිඩ්නි කණ්ඩායම පන්දුවාර 2.3ක් අවසානයේ කඩුල්ලක් දැවී ලකුණු 21ක් ලබා සිටියදී තරගයට වර්ෂාවෙන් බාධා එල්ල වූ අතර, ඒ අනුව තරගය ප්රතිපලයකින් තොරව අතහැර දැමීමට සිදු වුණා.
මෙවර තරග වාරයේ දී චමරි අතපත්තු ක්රීඩා කළ අවසන් තරගය ද අද තරගය වූ අතර, ඇය ඉදිරියේ දී යළි මෙරටට පැමිණෙනු ඇති.
Chamari Athapaththu turned it on for her final match for the @ScorchersBBL with a rapid 70 off 42!
Good luck in the World Cup qualifiers for Sri Lanka, @58Chamari 🙌 #WBBL07 pic.twitter.com/XtHj6DA26a
— Weber Women's Big Bash League (@WBBL) November 11, 2021
