මෙවර පන්දුවාර 20යි 20 ලෝක කුසලාන ක්රිකට් තරගාවලියේ සුපිරි 12 වටය කිසිදු ජයග්රහනයක් වාර්තා නොකර අවසන් කිරීමට බංග්ලාදේශයට අද(4) සිදු වුණා.
ඒ, ඔස්ට්රේලියාව සමග පැවැති තරගාවලියේ 34 වන තරගයෙන් බංග්ලාදේශය කඩුලු 8ක දැවැන්ත පරාජයක් ලැබීම හේතුවෙන්.
ඩුබායි හි පැවැති තරගයේ කාසියේ වාසිය දිනූ ඔස්ට්රේලියාවේ ආරාධනයෙන් පළමුව පන්දුවට පහර දුන් බංග්ලාදේශයට සියලු දෙනා දැවී පන්දුවාර 15ක් අවසානයේ ලබා ගත හැකි වූයේ ලකුණු 73ක් පමණයි.
ශමිම් හුසේන් ලකුණු 19ක්, මොහොමඩ් නයීම් ලකුණු 17ක් හා නායක මහ්මුදුල්ලාහ් ලකුණු 16ක් රැස් කළා.
පන්දු යැවීමේ දී ඇඩම් සම්පා ලකුණු 19කට බිද හෙලූ කඩුලු ගණන 5ක්.
ඔහුට කඩුලු ත්රිත්වයක් දවා ගැනීමට ද අවස්ථාවක් උදා වූ නමුත්, කඩුලු රකින ක්රීඩක මැතිව් වේඩ් විසින් උඩ පන්දුවක් අත්හැරීම හේතුවෙන් එම අවස්ථාව මග හැරී ගියා. (දර්ශන පහතින්)
පිළිතුරු ඉනිම ක්රීඩා කළ ඔස්ට්රේලියාව පන්දුවාර 6.2ක් අවසානයේ කඩුලු 2ක් පමණක් දැවී ජයග්රාහී ඉලක්කය පසු කළා.
නායක ආරොන් ෆින්ච් පන්දු 20කින් ලකුණු 40ක් රැස් කළේ හයේ පහර 4ක් හා හතරේ පහර 2ක් සමගින්.
මෙම ජයත් සමග ඔස්ට්රේලියාව පළමු කාණ්ඩයේ ප්රසාද ලකුණු සටහනේ දෙවැනි ස්ථානය දක්වා ඉදිරියට පැමිණීමට ද සමත් වුණා.
Matthew Wade: "Yeah I tried to catch it."
Behold, the glorious video of the Adam Zampa hat trick ball: pic.twitter.com/z2bsXxDHeY
— Jack Snape (@jacksongs) November 4, 2021
