තියුණු තරගයකින් පසුව කොල්කටා නයිට් රයිඩර්ස් කණ්ඩායම පරාජයට පත්කරමින්, මෙවර තරගාවලියේ දී පිට පිට ලැබූ තෙවැනි ජයග්රහණය වාර්තා කිරීමට චෙන්නායි සුපර් කිංග්ස් කණ්ඩායම ඊයේ(26) සමත්වූ බව අප ඔබට මීට පෙර තොරතුරු වාර්තා කළා.
Match Report : තියුණු අවසානයක් සමගින් චෙන්නායි කණ්ඩායමට අවසන් පන්දුවේ දී සුපිරි ජයක්
පසුගිය තරග වාරයේ දී දැඩි පසුබැස්මක සිටි, අයි.පී.එල්. ඉතිහාසයේ විශිෂ්ඨතම කණ්ඩායමක් වන චෙන්නායි සුපර් කිංග්ස් කණ්ඩායම මෙවර තරගාවලියේ මෙතෙක් ක්රීඩා කළ තරග 10 න් 08 ක ජයග්රහණය වාර්තා කිරීමට මේ වන විට සමත්ව ඇත්තේ ප්රසාද ලකුණු සටහනේ ද පෙරමුණ හිමි කර ගනිමින්.
චෙන්නායි කණ්ඩායම සිය ජයග්රාහී රිද්මය සොයා ගැනීමට සමත්ව තිබුණත්, එම කණ්ඩායමේ නායකත්වය දරන සුපිරි ක්රීඩක මහේන්ද්ර සිං දෝනිට සිය සුපුරුදු රිද්මය සොයාගැනීමට තවමත් හැකියාව ලැබී නැහෑ.
ඊයේ පැවති තරගයේදීත් ඔහුට රැස්කර ගැනීමට හැකියාව ලැබුණේ එක් ලකුණක් පමණයි.
ඉනිමේ 18 වන පන්දුවාරයේ 03 වන පන්දුවට වරුන් චක්රවර්තී යොමු කළ ගුග්ලි පන්දුවක් හමුවේයි දෝනි දැවී ගියේ.
