අවලංගු කෙරුණු ඉන්දු – එංගලන්ත පස්වැනි හා අවසන් ටෙස්ට් ක්රිකට් තරගය වෙනත් දිනයකදී පසුව ආරම්භ කිරීම සම්බන්ධයෙන් දෙරටේ ක්රිකට් ආයතනවල අවධානය යොමුව තිබෙනවා.
ඉන්දීය ක්රිකට් ආයතනය සදහන් කළේ තම ආයතනය විසින් ඒ සම්බන්ධයෙන් එංගලන්ත ක්රිකට් ආයතනයට යෝජනාවක් ඉදිරිපත් කර ඇති බවයි.
ඒ අනුව දෙරටේ ක්රිකට් ආයතන අදාළ තරගය යළි වෙනත් දිනයකදී ආරම්භ කිරීම සම්බන්ධයෙන් අවධානය යොමු කර ඇති බවත්, තරගය පැවැත්වීමට සුදුසු කාලයක් පිළිබද අධ්යනය කරමින් සිටින බවත් ඉන්දීය ක්රිකට් ආයතනය නිවේදනය කළා.
එංගලන්තය හා ඉන්දියාව අතර මැන්චෙස්ටර්හී දී අද(10) ආරම්භ වීමට නියමිතව තිබූ පස්වන හා අවසන් ටෙස්ට් ක්රිකට් තරගය අවලංගු කිරීමට දෙරටේ ක්රිකට් ආයතන තීරණය කළේ ඉන්දීය පුහුණු කාර්යය මණ්ඩලයේ තවත් සාමාජිකයෙකුට පසුගියදා කොවිඩ් 19 ආසාදනය වීමත් සමග ඇති වූ තත්ත්වය සැලකිල්ලට ගනිමින්.
ඉන්දීය සංචිතය තුළ තවදුරටත් කොවිඩ් ආසාදිතයින් වාර්තා වනු ඇතැයි පවතින බිය හේතුවෙන් තරගය අවලංගු කිරීමට තීරණය කෙරුණා.
ඉන්දීය ක්රිකට් කණ්ඩායමේ පුහුණුකරු රවී ශාස්ට්රීට ද පසුගියදා නිමා වූ සිව්වැනි ටෙස්ට් තරගය අතරතුර දී කොවිඩ් 19 වෛරසය ආසාදනය වූ අතර, ඒ හේතුවෙන් ඔහු සහ පුහුණු කාර්යය මණ්ඩලයේ තවත් සාමාජිකයින් තිදෙනෙකු හුදෙකලා කිරීමට ලක් කිරීමටයි පියවර ගෙන තිබුණේ.
දෙරට අතර පැවැති ටෙස්ට් තරග 4න් තරග 2ක් ඉන්දියාව ජය ගත් අතර, එක් තරගයක් එංගලන්තය ජය ගත්තා.
