මෙවර පන්දුවාර 20යි 20 ලෝක කුසලාන ක්රිකට් තරගාවලිය සදහා වන බංග්ලාදේශ සංචිතය අද(9) ප්රකාශයට පත් කෙරුණා.
මහ්මුදුල්ලාහ්ගේ නායකත්වයෙන් මෙවර තරගාවලියට එක් වන බංග්ලාදේශ සංචිතයට ක්රීඩකයින් 15 දෙනෙකු ඇතුළත් අතර, අතිරේක ක්රීඩකයින් දෙදෙනෙකු ද නම් කර තිබෙනවා.
අත්දැකීම් බහුල වේග පන්දු යවන ක්රීඩකයෙකු වන රුබෙල් හුසේන් ප්රධාන සංචිතයට ඇතුළත්ව නොමැති අතර, ඔහු අතිරේක ක්රීඩකයෙකු ලෙසයි නම් කර ඇත්තේ.
අනෙක් අතිරේක ක්රීඩකයා වන්නේ අමිනුල් ඉස්ලාම්.
ඔස්ට්රේලියාවට එරෙහි 20යි 20 තරගාවලියේ දී ලකුණු අතරට පැමිණීමට නොහැකි වූ සෞම්ය සාකාර් ලෝක කුසලාන සංචිතයේ සිය ස්ථානය රැක ගැනීමට සමත්ව තිබීම විශේෂත්වයක්.
ටමිම් ඉක්බාල් මෙවර ලෝක කුසලාන තරගාවලියෙන් ඉවත් වීමට පසුගියදා තීරණය කිරීම ද සාකාර්ගේ ස්ථානය ආරක්ෂා වීමට හේතු වී තිබෙනවා.
එක්සත් අරාබි එමීර් රාජ්යයේදී හා ඕමානයේ දී පැවැත්වීමට නියමිත 2021 පන්දුවාර 20යි 20 ලෝක කුසලාන තරගාවලියේ සත්කාරක අයිතිය ඉන්දීය ක්රිකට් ආයතනය සතු වන අතර, තරගාවලිය ඔක්තෝබර් 17 වනදා සිට නොවැම්බර් 14 වනදා දක්වා පැවැත්වීමට නියමිතයි.
20යි 20 ලෝක කුසලාන තරගාවලිය යටතේ බංග්ලාදේශය ක්රීඩා කරන පළමු තරගය ඔක්තෝබර් 17 වනදා ස්කොට්ලන්තයට එරෙහිව පැවැත්වීමට නියමිතයි.
Squad:
Mahmudullah (c), Shakib Al Hasan, Mushfiqur Rahim, Soumya Sarkar, Liton Kumar Das, Afif Hossain, Mohammad Naim, Nurul Hasan Sohan, Shamim Hossain, Mustafizur Rahman, Taskin Ahmed, Mohammad Saifuddin, Shoriful Islam, Mahedi Hasan, Nasum Ahmed.
Reserves:
Aminul Islam, Rubel Hossain
