අයර්ලන්තය සමග පැවැති තරග 3කින් යුත් එක්දින ක්රිකට් තරගාවලිය තරග 1-1ක් ලෙස සම තත්ත්වයෙන් නිමා කිරීමට සංචාරක දකුණු අප්රිකා කණ්ඩායම සමත් වුණා.
ඒ, දෙරට අතර පැවැති තෙවැනි හා අවසන් එක්දින තරගයෙන් දකුණු අප්රිකාව ලකුණු 70ක ජයක් වාර්තා කිරීමත් සමගයි.
Dublin හි පැවැති තරගයේ පළමුව පන්දුවට පහරදුන් දකුණු අප්රිකාව කඩුලු 4ක් දැවී ලකුණු 346ක් ලබා ගත්තා.
ඉනිමේ ආරම්භක කඩුල්ල සදහා ලකුණු 225ක සබදතාවයක් ගොඩ නැගීමට ක්වෙන්ටන් ඩී කොක් හා Janneman Malan සමත් වුණා.
Janneman Malan නොදැවී ලකුණු 177ක් හා ඩී කොක් ලකුණු 120ක් රැස් කළා. රසී වැන් ඩර් ඩුසේන් ලකුණු 30යි.
Josh Little ලකුණු 53කට කඩුලු 2ක් දවා ගත්තා.
පිළිතුරු ඉනිම ක්රීඩා කළ අයර්ලන්තයට පන්දුවාර 47.1ක් අවසානයේ සියලු දෙනා දැවී ලබා ගත හැකි වූයේ ලකුණු 276ක් පමණයි.
Simi Singh නොදැවී ලකුණු 100ක් රැස් කළා.
පන්දු යැවීමේ දී ඇන්ඩිල් පෙහ්ලුක්වායෝ හා ටැබ්රයිස් ශම්සි කඩුලු 3 බැගින් බිද හෙලුවා.
දෙරට අතර පැවැති පළමු එක්දින තරගය වර්ෂාව හේතුවෙන් අතහැර දැමුණු අතර, දෙවැනි තරගයෙන් ජය වාර්තා කළේ අයර්ලන්තයයි.
