වමත් වේග පන්දු යවන ක්රීඩක රීස් ටොප්ලිට (Reece Topley) මෙවර එංගලන්ත ගිම්හාන ජාත්යන්තර තරග වාරයේ සීමිත පන්දුවාර තරග සියල්ල අහිමි වනු ඇති බව විදෙස් මාධ්ය වාර්තා කරනවා.
එරට ප්රාන්ත තරගාවලියේ දී සරේ දෙවන පෙළ කණ්ඩායම නියෝජනය කළ ඔහු එසෙක්ස් (Essex) දෙවන පෙළ කණ්ඩායම සමග පැවැති තරගයේ දී ආබාධයකට ගොදුරු වීම හේතුවෙන් මෙලෙස මෙවර ජාත්යන්තර තරග වාරය අහිමි වී ඇති බව සදහන්.
සිදු කළ වෛද්ය පරීක්ෂණවලදී අනාවරණය වී ඇත්තේ ඔහුට සති 4ත් – 6ත් අතර කාලයක් විවේක ගැනීමට සිදු වන බවයි.
මෙවර ගිම්හාන තරග වාරයේ දී එංගලන්ත කණ්ඩායම ශ්රී ලංකාවට එරෙහිව 20යි 20 තරග 3ක් සහ එක්දින තරග 3ක් ක්රීඩා කිරීමට නියමිතයි.
අනතුරුව ඔවුන් පාකිස්තානයට එරෙහිව ද තරග 6ක් ක්රීඩා කිරීමටයි නියමිතව ඇත්තේ.
ජූනි 23 වනදා සිට ජූලි 20 වනදා දක්වා ශ්රී ලංකාවට සහ පාකිස්තානයට එරෙහි තරගාවලි පැවැත්වීමට කටයුතු යොදා තිබෙනවා.
එංගලන්ත සුපිරි තුන් ඉරියව් ක්රීඩක බෙන් ස්ටොක්ස්ට සහ වේග පන්දු යවන ක්රීඩක ජොෆ්ර ආචර්ට ද ආබාධ හේතුවෙන් ශ්රී ලංකාවට එරෙහි තරගාවලි අහිමි වී තිබෙනවා.
