ඉන්දීය කාන්තා ක්රිකට් කණ්ඩායමේ නව ප්රධාන පුහුණුකරු ලෙස රමේෂ් පවර් පත් කර තිබෙනවා.
ප්රධාන පුහුණුකාර ධූරය සදහා අයදුම්පත් 35කට වැඩි ප්රමාණයක් ලැබී තිබූ බවයි ඉන්දීය ක්රිකට් ආයතනය සදහන් කළේ.
ත්රිපුද්ගල ක්රිකට් උපදේශක කමිටුව විසින් අයදුම්කරුවන් සම්මුඛ පරීක්ෂණයකට ලක් කර තිබූ අතර, එහිදී රමේෂ් පවර් අදාළ ධූරය සදහා පත් කිරීමට ඒකමතිකව තීරණය කළ බව සදහන්.
ඉන්දීය හිටපු ක්රීඩකයෙකු වන පවර් ටෙස්ට් තරග දෙකකට සහ එක්දින තරග 31කට ක්රීඩා කර තිබුණා.
මීට පෙර 2018 වසරේ ජූලි සිට නොවැම්බර් දක්වා ඉන්දීය කාන්තා කණ්ඩායමේ පුහුණුකරු ලෙස ද ඔහු කටයුතු කළා.
ඔහුගේ පුහුණුකාරීත්වය යටතේ ඉන්දීය කාන්තා කණ්ඩායම 2018 පන්දුවාර 20යි 20 කාන්තා ලෝක කුසලාන තරගාවලියේ අවසන් පූර්ව වටය සදහා සුදුසුකම් ලබා ගත්තා.
මෑතකදී මුම්බායි කණ්ඩායමේ පුහුණුකරු ලෙස කටයුතු කළ රමේෂ් පවර් එහිදී මුම්බායි කණ්ඩායමට විජේ හසාරේ කුසලානය ද දිනා ගැනීම වෙනුවෙන් දායකත්වය දක්වනු ලැබුවා.
