2011 ලෝක කුසලාන එක්දින ක්රිකට් තරගාවලියේ අවසන් මහා තරගයෙන් අනතුරුව ඇතැම් නිළධාරීන්ගේ ක්රියාකලාපය සැක සහිත බව හිටපු ක්රීඩා අමාත්ය මහින්දානන්ද අලුත්ගමගේ මහතා පවසනවා.
තරගාවලියේ අවසන් මහා තරගය ශ්රී ලංකාව පාවා දුන් බවට ඔහු විසින් ඊයේ කළ ප්රකාශය තවදුරටත් තහවුරු කරමින් හිටපු ක්රීඩා අමාත්යරවයා මේ බව සදහන් කළේ Daily Mirror පුවත්පතට අදහස් දක්වමින්.
අවසන් තරගය පරාජයට පත් වීමෙන් පසුව ඇතැම් නිළධාරීන් වාහන සමාගම් මිලදී ගත් බවත්, විවිධ ව්යාපාර ආරම්භ කළ බවත් මහින්දානන්ද අලුත්ගමගේ මහතා පෙන්වා දෙනවා.
අවසන් මහා තරගය සදහා ක්රීඩා කළ කණ්ඩායම තේරීමේ ක්රියාවලිය සම්බන්ධයෙන් බරපතල සැකයක් පවතින බවත්, අවසන් මොහොතේ කිසිදු අනුමැතියකින් තොරව ක්රීඩකයින් සිව් දෙනෙකු කණ්ඩායමට ඇතුළත් කර තිබූ බවත් හිටපු ක්රීඩා අමාත්යවරයා සදහන් කළා.
අවසන් තරගයේ දී ශ්රී ලංකාව සිදු කරන වෙනස්කම් ඉන්දීය පුවත්පතක් පෙර සිටම දැන සිටි බව පෙන්වා දෙන අලුත්ගමගේ මහතා වැඩිදුරටත් කියා සිටියේ තමා ඒ සම්බන්ධයෙන් 2012 වසරේ දී ජගත් ක්රිකට් කවුන්සලයට පැමිණිලි කළ බවයි.
නමුත් ඊට කිසිදු ප්රතිචාරයක් නොලැබුණු බව හිටපු ක්රීඩා අමාත්යවරයා අවධාරණය කර සිටියා.
