“Road Safety World Series” තරගාවලියේ දෙවැනි අදියර මෙම වසරේ දී ම පැවැත්වීමට සංවිධායකින් තීරණය කර තිබෙනවා.
මෙම තරගාවලිය පසුගිය වසරේ දී ආරම්භ වූ නමුත්, පළමු අදියර කොරෝනා වසංගතය හේතුවෙන් අතරමග නවතාලීමට සිදුවුණා.
අනතුරුව එහි ඉතිරි තරග මෙම වසරේදී පැවැත්වීමට කටයුතු කළ අතර, පසුගියදා එය නිමා වුණේ ඉන්දිය ලෙජන්ඩ්ස් කණ්ඩායමට ශුරතාවය හිමි කර දෙමින්.
ශ්රී ලංකා ලෙජන්ඩ්ස් කණ්ඩායමට අනුශූරතාවයෙන් සෑහීමකට පත්වීමට සිදු වුණා.
තරගාවලියේ දෙවන අදියර මෙම වසරේ නොවැම්බර් මාසයේදී පැවැත්වීමට සංවිධායකයින් බලාපොරොත්තුවෙන් පසුවන බවටයි ශ්රී ලංකා ලෙජන්ඩ්ස් කණ්ඩායමේ කළමණාකරු Shyam Impett මහතා සම්මුඛ සාකච්ඡාවකදී අනාවරණය කර ඇත්තේ.
ඒ අනුව ඉන්දියාවේදී පැවැත්වීමට නියමිත 2021 පන්දුවාර 20යි 20 ලෝක කුසලානයෙන් පසුව “Road Safety World Series” තරගාවලියේ දෙවන අදියර ආරම්භ වනු ඇති.
