වසර 17කට පසුව ටෙස්ට් ක්රීකට් තරගාවලියක් (එක් තරගයකට වැඩි) ජය ගැනීමට සිම්බාබ්වේ කණ්ඩායමට තිබූ අවස්ථාව අහිමි කරමින් සිම්බාබ්වේ කණ්ඩායමට එරෙහි දෙවැනි හා අවසන් ටෙස්ට් තරගයෙන් කඩුලු 6ක ජයක් වාර්තා කිරීමට ඇෆ්ඝනිස්තාන කණ්ඩායම සමත් වුණා.
ඒ අනුව දෙරට අතර පැවැති තරග 2කින් යුත් ටෙස්ට් තරගාවලිය නිමා වුණේ තරග 1-1ක් ලෙස සම තත්ත්වයෙන්.
අබුඩාබි හි පැවැති තරගයේ පළමුවෙන් පන්දුවට පහරදුන් ඇෆ්ඝනිස්තානය කඩුලු 4ක් දැවී ලකුණු 545ක් ලබා සිටියදී ඉනිම අත්හිටුවීමට පියවර ගත්තා.
ඒ, හශ්මටුල්ලාහ් ශහිඩි නොදැවී රැස් කළ ද්විත්ව ශතකයෙන් සවිමත් වෙමින්.
පිළිතුරු ලෙස සිම්බාබ්වේ කණ්ඩායම පළමු ඉනිමට ලබා ගත් ලකුණු සංඛ්යාව 287ක්.
අනතුරු අඛණ්ඩව දෙවැනි වරටත් පන්දුවට පහරදුන් සිම්බාබ්වේ ක්රීඩකයින් දෙවැනි ඉනිමේ දී සියලු දෙනා දැවී ලකුණු 365ක් රැස් කිරීමට සමත් වුණේ ඇෆ්ඝනිස්තානයට තරගය ජය ගැනීම සදහා ලකුණු 108ක ඉලක්කයක් හිමි කර දෙමින්.
නායක ශෝන් විලියම්ස් නොදැවී ලකුණු 151ක් රැස් කළ අතර, ඩොනල්ඩ් තිරිපානෝ ලකුණු 95කට දැවී ගියා.
පන්දු යැවීමේ දී පළමු ඉනිමේ දී කඩුලු 4ක් බිද හෙලූ රෂීඩ් ඛාන් දෙවැනි ඉනිමේ දී කඩුලු 7ක් දවා ගත්තා.
ලකුණු 108ක ජයග්රාහී ඉලක්කයක් හඹා ගිය ඇෆ්ඝනිස්තානය කඩුලු 4ක් දැවී සිටියදී ජයග්රාහී ඉලක්කය පසු කළා.
