ඉන්දීය දග පන්දු යවන ක්රීඩක ආර් අශ්වින් අයි.සී.සී ශ්රේණිගත කිරීම් අනුව ටෙස්ට් පන්දු යවන්නන් අතර යළිත් පළමු ස්ථානයට පත්ව තිබෙනවා.
ඔහු එහි පළමු ස්ථානය හිමි කර ගත් 6 වැනි අවස්ථාව මෙය වීම විශේෂත්වයක්.
එංගලන්තය සමග පැවැති 5 වැනි ටෙස්ට් තරගයේ දී කඩුලු 9ක් දවා ගනිමින් ඔහු දැක් වූ විශිෂ්ඨ දක්ෂතා හේතුවෙනුයි අශ්වින් යළිත් වරක් අයි.සී.සී ටෙස්ට් පන්දු යවන්නන් අතර පෙරමුණට පත්ව ඇත්තේ.
මේ අතර, නවසීලන්තයට එරෙහි දෙවැනි ටෙස්ට් තරගයේ දී කඩුලු හයක් දවා ගත් ඔස්ට්රේලියාවේ ජොෂ් හේසල්වුඩ් සම දෙවැනි ස්ථානයට පත්ව සිටිනවා.
මෙතෙක් පළමු ස්ථානයේ පසු වූ ඉන්දියාවේ ජස්ප්රිට් බුම්රා ද මේ වන විට රැදී සිටින්නේ දෙවැනි ස්ථානයේයි.
ඉන්දීය දග පන්දු යවන ක්රීඩක කුල්දීප් යාදව් පන්දු යවන්නන් අතර ස්ථාන 15කින් ඉදිරියට පැමිණ ඇත්තේ 16 වැනි ස්ථානය දක්වායි.
මේ අතර, ටෙස්ට් පිතිකරුවන් අතර 6 වැනි ස්ථානය දක්වා ස්ථාන 5කින් ඉදිරියට පැමිණීමට ඉන්දීය නායක රෝහිත් ෂර්මා සමත්ව තිබෙනවා.
ඉන්දු-එංගලන්ත ටෙස්ට් තරගාවලියේ වීරයා සම්මානයෙන් පිදුම් ලැබූ යශස්වි ජයිස්වාල් 8 වැනි ස්ථානය දක්වා ඉදිරියට පැමිණ ඇත්තේ ස්ථාන දෙකකින්.
