ඉන්දීය ප්රිමියර් ලීග් ක්රිකට් තරගාවලියේ ක්රීඩක වෙන්දේසිය ඊයේ(23) කෝචි හී දී නිමා වුණේ සියලු කණ්ඩායම් සදහා සිය සංචිත සම්පූර්ණ කර ගැනීම සදහා අවස්ථාව හිමි කර දෙමින්.
අප මීට පෙර ද වාර්තා කළ පරිදි මෙවර ක්රීඩක වෙන්දේසියේ දී විදෙස් ක්රීඩකයින් 29 දෙනෙකු ඇතුළු ක්රීඩකයින් 80 දෙනෙකු මිලදී ගැනීමට කණ්ඩායම් 10 කළමණාකාරීත්වය විසින් පියවර ගත්තා.
Also Read : IPL වෙන්දේසියේ දී ක්රීඩකයින් 80 ක් අලෙවි වෙයි ; අලෙවි වූ හා නොවූ ක්රීඩකයින් මෙන්න
ක්රීඩකයින් මිලදී ගැනීම සදහා සියලු කණ්ඩායම් විසින් වියදම් කර ඇති සමස්ත මුදල සටහන්ව ඇත්තේ ඉන්දීය රුපියල් 1,67,00,00,000 (කෝටි 167) ලෙසයි.
මෙවර වෙන්දේසියේ දී ඉන්දීය ප්රිමියර් ලීග් ක්රිකට් තරගාවලි ඉතිහාසයේ ක්රීඩක වෙන්දේසියකදී ක්රීඩකයෙකු අලෙවි වූ ඉහළම මිලට එංගලන්තයේ සෑම් කරන් අලෙවි වීම කැපී පෙනුණා.
ඔහුව පංජාබ් කිංග්ස් කණ්ඩායම විසින් මිලදී ගත්තේ ඉන්දීය රුපියල් කෝටි 18.5 ක මිලකටයි. එය ශ්රී ලංකා මුදලින් රුපියල් කෝටි 81 ක පමණ වටිනාමක් වනවා.
ඔස්ට්රේලියාවේ කැමරන් ග්රීන් මෙම වෙන්දේසියේ දී ඉන්දීය රුපියල් කෝටි 17.5 කට මුම්බායි ඉන්දියන්ස් කණ්ඩායම විසින් මිලදී ගත් අතර, එම මුදල ඉතිහාසගත වුණේ අයි.පී.එල් ක්රීඩක වෙන්දේසියකදී ක්රීඩකයෙකු අලෙවි වූ දෙවැනි ඉහළම වටිනාමක ලෙසයි.
මෙවර වෙන්දේසියේ දී ඉහළම මිලකට අලෙවි වූ ක්රීඩකයන් 10 දෙනා පිළිබදවයි මෙම ලිපියෙන් අප අවධානය යොමු කරන්නේ.
- Sam Curran – Punjab Kings – ₹18,50,00,000
- Cameron Green – Mumbai Indians – ₹17,50,00,000
- Ben Stokes – Chennai Super Kings – ₹16,25,00,000
- Nicholas Pooran – Lucknow Super Giants – ₹16,00,00,000
- Harry Brook – Sunrisers Hyderabad – ₹13,25,00,000
- Mayank Agarwal – Sunrisers Hyderabad – ₹8,25,00,000
- Shivam Mavi – Gujarat Titans – ₹6,00,00,000
- Jason Holder – Rajasthan Royals – ₹5,75,00,000
- Mukesh Kumar – Delhi Capitals – ₹5,50,00,000
- Heinrich Klaasen – Sunrisers Hyderabad – ₹5,25,00,000
