ජාත්යන්තර ක්රිකට් ක්රිඩාවෙන් තමා විශ්රාම ගන්නා බව ඉන්දීය හිටපු නායක මහේන්ද්ර සිං දෝනී පසුගියදා නිල වශයෙන් ප්රකාශයට පත් කළා.
විස්සයි විස්ස ලෝක කුසලානයක්, අයි.සී.සී ශූරයන්ගේ කුසලානයක් හා එක්දින ලෝක කුසලානයක් ඉන්දියාවට හිමි කර දීමට ඔහුගේ නායකත්වය යටතේ හැකියාව ලැබීම සැබවින්ම දෝනි ලැබූ සුවිශේෂී ජයග්රහනයක්.
ලොව බිහිවූ විශිෂ්ඨතම තරග අවසන් කරන්නෙකු ලෙස ද සැලකෙන මහේන්ද්ර සිං දෝනි ජාත්යන්තර එක්දින තරග 350 කට සහභාගී වී ලකුණු 10,773 ක් රැස්කරගනු ලබන්නේ 50.57 ක විශිෂ්ඨ පිතිකරණ සාමාන්යක් ද රඳවා ගනිමින්.
පසුපෙළ පිතිකරුවෙකු ලෙස බොහෝ තරගවල ක්රීඩා කල දෝනි ජාත්යන්තර එක්දින ක්රිකට් පිටිය තුල පිතිකරණ ලයිස්තුවේ අංක 5 හෝ ඊට පසුව පැමිණ රැස් කර ගෙන ඇති ලකුණු සංඛ්යාව 8,324 ක්.
එම වාර්තාගත ලකුණු සංඛ්යාවත් සමග එක්දින ක්රිකට් පිටිය තුළ, පිතිකරණ ලයිස්තුවේ අංක 5 හෝ ඊට පසු පිතිකරණ ස්ථානයක ක්රීඩාකරමින් ලොව වැඩිම ලකුණු සංඛ්යාවක් රැස්කරගත් පිතිකරුවා බවට ඔහු පත්ව සිටිනවා.
එම ලැයිස්තුවේ දෙවනි ස්ථානය හිමිව ඇත්තේ ශ්රී ලංකාවට පළමු වරට ලෝක කුසලානයක පහස විදීමට නායකත්වය ලබාදුන් අර්ජුන රණතුංගයි.
පිතිකරණ ලැයිස්තුවේ අංක පහ හෝ ඊට පසු පිතිකරණ ස්ථානයක ක්රීඩාකරමින් අර්ජුන වාර්තා කර ඇති ලකුණු සංඛ්යාව 6041ක්.
