ඉන්දීය ප්රිමියර් ලීග් ක්රිකට් තරගාවලියේ 46 වන තරගයේදි මුම්බායි ඉන්දියන්ස් කණ්ඩායමට එරෙහිව විශිෂ්ඨ පන්දු යැවීමක නිරත වීමට දිල්ලි කැපිටල්ස් කණ්ඩායම අද(2) සමත් වුණා.
ඒ අනුව තරගයේ පළමුවෙන් පනදුවට පහරදුන් මුම්බායි කණ්ඩායමට කඩුලු 8ක් දැවී රැස්කර ගැනීමට හැකියාව ලැබුණේ ලකුණු 129 ක් පමණයි.
දිල්ලි පිල වෙනුවෙන් සුවිශේෂී පන්දු යැවීමක් ප්රදර්ශනය කළ අවේශ් ඛාන් සිය පන්දුවාර 4 අවසන් කළේ ලකුණු 15 කට කඩුලු 03 ක් සිය නම ඉදිරියේ සටහන් කර ගනිමින්.
ඔහුගේ පන්දු යැවීම හමුවේ දැවී ගියේ රෝහිට් ෂර්මා, හර්ඩික් පාන්ඩ්යා සහ නේතන් කොල්ටර් නයිල්.
ඉනිමේ 19 වන පන්දු වාරයේ පළමුවන පන්දුවට හර්ඩික් පාන්ඩ්යා දවා ගැනීමට ඔහු යොමු කළ විශිෂ්ඨ යෝකර් පන්දුව බොහෝ දෙනෙකුගේ අවධානය දිනා ගැනීමට සමත්වුණා.
ඒ මොහොත වන විට ලකුණු 17 ක් ලබා සිය ඉනිම වේගවත් කිරීමට උත්සාහ ගනිමින් සිටි පාන්ඩ්යාට අවේශ් ඛාන් යොමු කළ සුපිරි යෝකර් පන්දුව කඩුල්ලේ වැදීම වලක්වා ගැනීමට කිසිසේත්ම අවස්ථාවක් ලැබුණේ නැහෑ.
