ශ්රී ලංකාව සමග පැවැත්වීමට නියමිත තෙවැනි හා අවසන් පන්දුවාර 20යි 20 ක්රිකට් තරගය ක්රීඩා කිරීමේ අවස්ථාව ද ඕස්ට්රේලියානු වේග පන්දු යවන ක්රීඩක මිචෙල් ස්ටක්ට අහිමි වී තිබෙනවා.
ඒ දෙරට අතර පැවැති පළමු පන්දුවාර 20යි 20 ක්රිකට් තරගයේ දී ඔහුගේ වම් අතෙහි ඇගිල්ලක සිදු වූ අබාධය හේතුවෙන්.
දෙරට අතර පැවැත්වෙන තරග 5කින් යුත් එක්දින තරගාවලියේ ආරම්භක තරග කිහිපය ද ඔහුට ක්රීඩා කිරීමේ අවස්ථාව අහිමි වනු ඇති බව සදහන්.
ඒ අනුව ජයි රිචර්ඩ්සන් ඕස්ට්රේලියානු එක්දින සංචිතයට නම් කිරීමටයි එරට ක්රිකට් තේරීම් කමිටුව පියවර ගෙන ඇත්තේ.
ඔහු මීට පෙර 20යි 20 තරගාවලිය සදහා පමණක් නම් කර තිබූ අතර අනතුරුව ශ්රී ලංකා A කණ්ඩායමට එරෙහි තරග වෙනුවෙන් ඕස්ට්රේලියානු A කණ්ඩායම සමග එක් වීමට නියමිතව තිබුණා.
රිචර්ඩ්සන් වෙනුවට Nathan McAndrew ඕස්ට්රේලියානු A සංචිතයට නම් කිරීමටද පියවර ගෙන තිබෙනවා.
කෙසේ වෙතත්, මිචෙල් ස්ටක්ට දෙරට අතර පැවැත්වීමට නියමිත තරග දෙකකින් යුත් ටෙස්ට් තරගාවලිය සදහා ක්රීඩා කිරීමේ අවස්ථාව හිමි වනු ඇති බවටයි විශ්වාස කෙරෙන්නේ.
ඔහුට අවම වශයෙන් දින 7ක කාලයක් විවේක ගැනීමට සිදුවනු ඇති.
