සංචාරක බංග්ලාදේශ නැගී එන කණ්ඩායම සමග පැවැති දෙවැනි එක්දින ක්රිකට් තරගයෙන් ඩක්වර්ත් ලුවිස් න්යාය යටතේ ලකුණු 21 ක පරාජයක් ලැබීමට ශ්රී ලංකා නැගී එන කණ්ඩායමට අද(19) සිදු වුණා.
දඹුල්ලේ පැවැති තරගයේ පළමුව පන්දුවට පහරදුන් ශ්රී ලංකා නැගී එන පිල පන්දුවාර 50 අවසානයේ කඩුලු 7 ක් දැවී ලකුණු 297 ක් රැස් කළා.
නායක අහන් වික්රමසිංහ ලකුණු 77 ක් ලබා ගත් අතර, සොනාල් දිනූෂ ලකුණු 62 යි. පන්දු යැවීමේ දී Musfik Hasan කඩුලු 3 ක් දවා ගත්තා.
පිළිතුරු ඉනිම ක්රීඩා කළ බංග්ලාදේශ ඉනිම පන්දුවාර 36 ක් අවසානයේ දී නතර කිරීමට සිදු වූයේ අයහපත් කාළගුණය හේතුවෙන්.
ඒ වන විට බංග්ලාදේශ නැගී එන කණ්ඩායම කඩුලු 2 ක් දැවී ලකුණු 200 ක් ලබා සිටියා.
තරගය ජය ගැනීමටනම් බංග්ලාදේශය එම අවස්ථාවේ දී ලබා සිටිය යුතු වූ ලකුණු ප්රමාණය 180 ක්. ඒ අනුවයි ඔවුන්ට ඩක්වර්ත් ලුවිස් න්යාය යටතේ ලකුණු 21 ක ජයක් හිමි වුණේ.
Prantik Nawrose Nabil නොදැවී ලකුණු 92 ක් හා Mahmudul Hasan Joy නොදැවී ලකුණු 57 ක් ලබා සිටියා. පන්දු යැවීමේ දී චාමික ගුණසේකර හා චමිදු වික්රමසිංහ කඩුල්ල බැගින් බිද හෙලුවා.
ඒ අනුව කණ්ඩායම් දෙක අතර පැවැත්වෙන තරග 3කින් යුත් එක්දින තරගාවලිය තරග 1-1 ක් ලෙස මේ වන විට කණ්ඩායම් දෙකම සම මට්ටමේ පසුවනවා.
