දකුණු අප්රිකා කණ්ඩායමේ බටහිර ඉන්දීය කොදෙව් සහ ශ්රී ලංකා තරග සංචාර දින නියමයක් නොමැතිව කල් දමා ඇති බව එරට ක්රිකට් ආයතනය පවසනවා.
කොදෙව් සංචාරය ජූලි – අගෝස්තු මාසවලදී පැවැත්වීමට නියමිතව තිබූ අතර, එහිදී ටෙස්ට් තරග 2ක් සහ 20යි 20 තරග 5ක් පැවැත්වීමටයි නියමිතව තිබුණේ.
ශ්රී ලංකා සංචාරය ජූනි මාසයේ දී සිදු කිරීමට නියමිතව තිබුණා.
එහිදී එක්දින සහ 20යි 20 තරග 3 බැගින් පැවැත්වීමටයි සැලසුම් කර තිබුණේ.
අදාළ තරග සංචාර ද්විත්වයම මේ වන විට දින නියමයක් නොමැතිව කල් දැමීමට සිදුව ඇති බවයි දකුණු අප්රිකානු ක්රිකට් අධ්යක්ෂ ග්රෑම් ස්මිත් සදහන් කළේ.
දකුණු අප්රිකා තරගාවලිය සැප්තැම්බර් මාසයේ දී පැවැත්වීමට අවධානය යොමුව ඇති බව මීට පෙර කෙදෙව් ක්රිකට් ආයතනය ප්රකාශ කළා.
නමුත් CPL තරගාවලිය සැප්තැම්බර් 10 වනදා අවසන් වී සැප්තැම්බර් 19 වනදා IPL තරගාවලිය ආරම්භ වන බැවින් කඩිනමින් ද්විපාර්ශ්වික තරගාවලියක් සංවිධාන කිරීමේ අවස්ථාව තවදුරටත් අහිමි වී තිබෙනවා.
ඒ අනුව නොවැම්බර් මාසයේ සිට දකුණු අප්රිකා කණ්ඩායමට ඉතා කාර්ය බහුල කාලයක් උදා වනු ඇති බවයි දකුණු අප්රිකානු ක්රිකට් අධ්යක්ෂ ග්රෑම් ස්මිත් වැඩිදුරටත් කියා සිටියේ.
